Türkiyə Ağrı dağın əksinin Ermənistanın dövlət gerbindən çıxarılmasını tələb etməlidir - Sabiq nazir
Tarix: 02-12-2021 18:40 | Bölmə: Slayd
Türkiyə Ağrı dağın əksinin Ermənistanın dövlət gerbindən çıxarılmasını tələb etməlidir

“Türkiyə-Ermənistan münasibətləri o zaman qaydaya düşəcək ki, Zəngəzur dəhlizi fəaliyyətə başlasın. Prezident Ərdoğan dedi ki, dəhlizin açılması Ermənistanın xeyrinədir və bundan sonra Türkiyə də bu ölkəyə sərhədlərini açacaq. Başqa sözlə, Türkiyə Zəngəzur dəhlizinin açılmasını İrəvan-Ankara münasibətlərinin başlaması üçün şərt kimi irəli sürür”.

Bunu Reyting.az-a sabiq təhsil naziri Firudin Cəlilov deyib.

Professor bildirib ki, indi Ermənistanda Türkiyəyə münasibətdə bir-birinə zidd olan iki qrup var: “Bu qrup fikirləri ətrafında parçalanır. Məsələn, millətçi erməni kəsimi Şərqi Anadoluya iddia edir. Öz terminləri ilə desək, Şərqi Anadolunu “Qərbi Ermənistan” hesab edirlər. Onların İğdıra, Qarsa, Ərzuruma iddiaları var.

Amma Ermənistanda hadisələrə real baxan ermənilər də var. Onlar hesab edirlər ki, Türkiyə ilə Ermənistanın yolları açılmalı, iqtisadiyyat, əlaqələr inkişaf etməlidir.

Hadisələrin gedişatı bir-birinə zidd fikir qruplarının arasındakı mübarizədən asılı olacaq”.

Ermənistanın dövlət gerbinə Ağrı dağın əksinin salındığına diqqət çəkən F. Cəlilov deyib ki, Ankara Ağrı dağın əksinin Ermənistanın dövlət gerbindən çıxarılmasını tələb etməlidir: “Çünki Ağrı dağın Ermənistana heç bir aidiyyəti yoxdur. Haylar min il əvvəl Doğu Anadoluya gələndə dağın adı Ağrı idi. Elə ki xristianlıqdan sonra ermənilər yavaş-yavaş Qafqaza və Ağrı dağın ətəyində yerləşdilər, bu andan toponim məsələlərinə diqqət etməyə başladılar. Onların əsas qrupu Suriyadan gəlmişdi. Suriyanın quzeyində isə Masis dağı var. Ermənilər Ağrı dağın ətəyində yerləşdikdən sonra dağa Masis adını qoydular. Bir müddət belə səsləndirdilər, Suriyadakı dağı bir növ bura “gətirdilər”. Sonradan kimsə onları başa saldı ki, ağlınız olsun, Masis dağı Suriyadadır. Bundan sonra Ağrı dağını “Ararat” adlandırmağa başladılar. Tarixdə isə Ararat adında dağ olmayıb. İndi ermənilər “Urartı” sözünü Araratla əvəz ediblər. Bu mənada Ağrı dağın haylara aidiyyəti yoxdur”.




Bölməyə aid digər xəbərlər
bütün xəbərlər
{sape_links}{sape_article}