Putinin nüvə təhdidinə cavab: “Rusiyanın donanmasını və hərbi bazalarını məhv edərik”
Tarix: 22-09-2022 10:34 | Bölmə: Slayd
Putinin nüvə təhdidinə cavab: “Rusiyanın donanmasını və hərbi bazalarını məhv edərik”

Rusiya prezidenti Putinin ötən gün ölkədə qismən səfərbərliyə başlaması başda ABŞ və Qərb ölkələri olmaqla, dünyada narahatlıqla qarşılanıb. ABŞ ordusunun keçmiş avropalı komandanı general-leytenant Ben Hodqes isə Rusiya prezidentinin nüvə təhdidlərini qiymətləndirib və “qisas” xəbərdarlığı edib.

Reyting.az
-ın xarici KİV-lərə istinadla verdiyi xəbərə görə, B. Hodqes deyib ki, Putin Ukraynada nüvə silahından istifadə edərsə, ABŞ-ın Rusiya ordusuna hücumu dağıdıcı olacaq.

Hodqes ABŞ-ın nüvə silahından istifadə etməkdən çəkinəcəyini bildirsə də, əlavə edib ki, Putin Ukraynada nüvə silahından istifadə edəcəyi təqdirdə ABŞ Rusiyanın Qara Dəniz Donanmasını və ya Krımdakı bazalarını məhv etməyə cəhd göstərəcək.

2014-2018-ci illərdə Avropada ABŞ ordusuna komandanlıq etmiş general Hodqesin fikrincə, Putinin Ukraynaya nüvə hücumu əmri vermə ehtimalı “mümkün olmayan ssenari”dir. Lakin o, hər hansı strateji kütləvi qırğın silahından istifadənin Amerika prezidenti Co Baydenin şiddətli reaksiyası ilə qarşılanacağına əmindir.



General Hodqes Britaniyanın “Daily Mail” qəzetinə deyib:

“Putin bilir ki, Rusiya nüvə silahından istifadə edərsə, ABŞ buna cavab verəcək. ABŞ-ın cavabı nüvə gücündən ibarət olmaya bilər, lakin məsələn, Qara Dəniz Donanmasını məhv edə və ya Krımdakı Rusiya bazalarını məhv edə biləcək dağıdıcı hücum ola bilər. Düşünürəm ki, prezident Putin və onun ətrafındakılar ABŞ-ı birbaşa münaqişəyə cəlb etməkdən çəkinəcəklər”.

Qeyd olunur ki, əgər Rusiya nüvə hücumuna başlayarsa, ABŞ-ın potensial hücum bölgələri arasında Krımın qərb sahilində yerləşən və yarımadanın 2014-cü ildə ilhaq edilməsindən bəri Kreml qüvvələri tərəfindən işğal edilmiş Sevastopol dəniz limanı ola bilər. Britaniya kəşfiyyatının məlumatına görə, Moskva özünün Kilo sinifli hücum sualtı qayıqlarının bir hissəsini Krım yarımadasından Rusiyanın cənubuna köçürüb.

Reyting.az




Bölməyə aid digər xəbərlər
21-09-2022, 15:10 Putinə təzyiqlər artır

{sape_links}{sape_article}