15:17 / 28-05-2024
KTN-də yeni təyinat olub
Milyarder gənc qalmaq üçün ildə iki milyon dollar ödəyir və 17 yaşlı oğlunun qanından istifadə edir
Tarix: 24-05-2023 18:30 | Bölmə: Slayd
Milyarder gənc qalmaq üçün ildə iki milyon dollar ödəyir və 17 yaşlı oğlunun qanından istifadə edir

Zamanı dayandırmaq mümkün deyil, amma amerikalı sahibkar Bryan Conson gənc qalmaqda olduqca qətiyyətli görünür. Məşhur sahibkar bunun üçün ildə 2 milyon dollar xərcləyir və bu işdə 17 yaşlı oğlunun qanından da istifadə edir.

Reyting.az
-ın məlumatına görə, F. Skott Fitzgerald tərəfindən yazılan, kino dünyasına uyğunlaşdırılan və bir çox mükafatlar qazanmış Benjamin Battonun “Maraqlı Hekayəsi” doğru ola bilər. Film qoca doğulan və illər keçdikcə cavanlaşan Benjamin Battonun həyatından bəhs edir. Məşhur bir sahibkarın səyləri ilə bu maraqlı hekayə indi az qala, reallaşmaq üzrədir.

Amerikalı sahibkar Bryan Conson illər keçdikcə cavanlaşmasa da, gənc qalmağa kifayət qədər eneri sərf edir. Conson hətta bunun üçün ildə 2 milyon dollar da xərcləyir. Conson gənc görünmək üçün bu dəfə 17 yaşlı oğlunun qanından da istifadə edib.



“Bloomberg” yazır ki, daxili orqanlarını, o cümlədən penis və düz bağırsağı işlək vəziyyətdə saxlamaq istəyən 45 yaşlı proqram tərtibatçısı B. Conson qanköçürmə üçün 17 yaşlı oğlu Talmageni seçib. Conson, keçən ay Dallas yaxınlığındakı bir klinikada 70 yaşlı atası Riçard və oğlu Talmage ilə bir saatlıq mübadilə əməliyyatı keçirib. Conson əvvəllər naməlum donordan plazma alsa da, bu dəfə oğlu Talmage ona bir litr qan verib.

Conson “Bloomberg”ə plazma mübadiləsindən tutmuş rejiminə nəzarətə qədər 30 həkim və regenerativ sağlamlıq mütəxəssislərindən ibarət komanda ilə işlədiyini deyib. Elm adamları gənc və yaşlı siçanlar üzərində aparılan araşdırmalardan sonra plazmanın yaşlanma əleyhinə bir texnika kimi istifadə edilməsi diqqət çəkir. Texnikadan sonra yaşlı siçanlar idrak funksiyalarında, maddələr mübadiləsində və sümük quruluşunda irəliləyişlər göstərib, tez-tez qan vermənin gənclərə müsbət təsir edə biləcəyi görülüb.



Lakin Consonun cavanlaşdırma metodu bəzi ekspertlər tərəfindən nə etik, nə də elmi baxımdan uyğun hesab olunur. Los Ancelesdəki Ümid Şəhəri Milli Tibb Mərkəzinin biokimyaçısı Çarlz Brenner deyib ki, bunun etibarlı bir müalicə üsulu olduğunu söyləmək üçün kifayət qədər əsas yoxdur: “Mənim üçün bu, iyrənc, sübut olunmamış və nisbətən təhlükəlidir”.

Xatırladaq ki, 30 yaşlarında ödəniş şirkəti “Braintree Payment Solutions”u EBay-a 800 milyon dollara sataraq sərvət qazanmış Conson bu ilin əvvəlində cavanlaşma həvəsi ilə dünya mətbuatında gündəmə gəlmişdi.

Consonun hər səhər saat 5-də başlayan ciddi bir rejimi var. Vitaminlərini qəbul etdikdən sonra gününə idmanla və aşağı kalorili vegan pəhrizlə davam edir. O, yatarkən gecə ərzində nə qədər ereksiya olduğunu hesablayan maşına qoşulub. Consonun məqsədi beyni, qaraciyəri, böyrəkləri, dişləri, dərini, saçları, penisi və düz bağırsağı da daxil olmaqla, bütün əsas orqanlarının yeniyetməlik dövründə olduğu kimi işləməsini təmin etməkdir.



45 yaşlı Consonun hazırda 37 yaşlı şəxsə uyğun ürəyi və müalicələrin sonunda 28 yaşlı gəncə uyğun dərisi var.

Consonun bütün səyləri Project Blueprint adlı qocalma əleyhinə təşəbbüsün bir hissəsidir.

Conson 2021-ci il bloq yazısında “Mənim yeni səyim, Layihə Planı, bədənimin bütün 70 orqanını ölçmək və sonra hər birinin bioloji yaşını maksimum dərəcədə dəyişdirmək məqsədi daşıyır”,- deyib.

E. KAMAL
Reyting.az




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}