00:11 / 14-06-2024
Bu gün "Son zəng"dir
Ukraynaya 150 təyyarə lazımdır
Tarix: 22-05-2024 17:08 | Bölmə: Xəbərlər
Ukraynaya 150 təyyarə lazımdır

“Hazırkı təyyarə parkını əvəz etmək üçün Ukrayna Hərbi Hava Qüvvələrinə ən azı 150 müxtəlif tipli təyyarə lazımdır”.

Reyting.az
xəbər verir ki, bunu Ukrayna Silahlı Qüvvələrinin spikeri İlya Yevlaş deyib.

“Mən bura müxtəlif tapşırıqları yerinə yetirə bilən nəqliyyat təyyarələrini də daxil edirəm. Buraya Ukrayna səmasında patrul xidməti də daxildir. Kiçik ölçülü hədəfləri məğlub edə bilən təyyarələr hava hücumundan müdafiə sistemləri kimi istifadə edilə bilər. Həm də çəkindirici vasitə kimi”, - Yevlaş bildirib.

Yevlaş əlavə edib ki, hətta bir və ya iki müasir qırıcı Ukrayna hərbi aviasiyasının təyyarə parkını ciddi şəkildə gücləndirər.

Eyni zamanda, Yevlaş vurğulayıb ki, Ukrayna öz təyyarə parkını tamamilə yenidən təchiz etməyə çalışır, lakin bunun nə qədər tez baş verməsi beynəlxalq tərəfdaşlardan asılı olacaq.

Qeyd edək ki, ötən gün prezident Vladimir Zelenski Ukraynanın səmada rus ordusuna qarşı durmaq üçün 100-dən çox “F-16” qırıcısına ehtiyacı olduğunu bildirib. O, rusların Ukraynada 300 təyyarədən istifadə etdiyini deyib.

Onun sözlərinə görə, Ukraynanın səmada ruslara müqavimət göstərməsi üçün ən azı 120-130 təyyarə lazımdır. Zelenski hesab edir ki, indiki mərhələdə qonşu NATO ölkələri Ukraynanın mülki əhalisini qorumaqla, öz təyyarələri ilə rusların atdığı hədəfləri vura bilər.

E. KAMAL




Bölməyə aid digər xəbərlər
{sape_links}{sape_article}