10:21 / 19-11-2018
Futbolçu özünü öldürüb
Türkiyədəki diaspor təşkilatlarının rəhbərləri Azərbaycana gəliblər - Fotolar
Tarix: 19-10-2018 15:30 | Bölmə: Siyasət
Türkiyədəki diaspor təşkilatlarının rəhbərləri Azərbaycana gəliblər

Türkiyə Azərbaycan Dostluq Dərnəkləri Federasiyasının sədri Seyfettin Ayakyayın rəhbərlik etdiyi qeyri-hökumət təşkilatları, diaspor təmsilçiləri və jurnalistlərdən ibarət nümayəndə heyəti Diasporla İş üzrə Dövlət Komitəsində olub.

Reyting.az-a komitədən verilən məlumata görə, görüşdə Türkiyədəki Azərbaycan diaspor təşkilatlarının işi, iki ölkə diasporunun birgə fəaliyyətinin perspektivləri və digər məsələlər müzakirə edilib.

Komitənin sədri Fuad Muradov 100 il öncə Azərbaycanın azadlıq mübarizəsinə Türkiyənin göstərdiyi dəstəyin bu gün də davam etdiyini vurğulayıb.

Türkiyədəki diaspor təşkilatlarının rəhbərləri Azərbaycana gəliblər

Onun sözlərinə görə, iki ölkənin qardaşlıq münasibətləri diaspor təşkilatlarının fəaliyyətində də özünü göstərməkdədir. Müxtəlif ölkələrdəki Azərbaycan və türk diaspor təşkilatlarının ortaq problemimiz olan erməni yalanları ilə mübarizədə birgə fəaliyyətinin, həmrəyliyinin daha da gücləndirilməsi qeyd olunub. Yalnız birgə fəaliyyət nəticəsində bu gün dünyada gedən informasiya müharibəsində qalib gəlməyin mümkünlüyü vurğulanıb. Bu istiqamətdə yaşlılıarın təcrübəsindən istifadə etməklə gənclərin hazırlanmasının və jurnalistlərlə sıx əməkdaşlığın əhəmiyyəti diqqətə çatdırılıb.

Türkiyədəki diaspor təşkilatlarının rəhbərləri Azərbaycana gəliblər

Eyni zamanda, bu gün Türkiyədə fəaliyyət göstərən 60-a yaxın Azərbaycan diaspor təşkilatının birgə fəaliyyətinin vacibliyinə də toxunulub, bu isqitamətdə atılacaq addımlarla bağlı fikir mübadiləsi aparılıb.

Nümayəndə heyətində təmsil olunan diaspor təşkilatlarının rəhbərləri, jurnalistlər çıxış edərək Dağlıq Qarabağ münaqişəsinin həm də Türkiyənin problemi olduğunu ifadə ediblər. Azərbaycan həqiqətlərinin Türkiyə və dünya ictimaiyyətinə çatdırılması ilə bağlı görülən işlər haqqında məlumat verilib, bu istiqamətdə əməkdaşlığın genişləndirilməsi müzakirə olunub.

Türkiyədəki diaspor təşkilatlarının rəhbərləri Azərbaycana gəliblər

Nümayəndə heyəti Türkiyədə və Azərbaycanda fəaliyyət göstərən QHT, diaspor nümayəndələrinin “Bir damla su” layihəsi çərçivəsində Azərbaycanda səfərdədir. Layihədə Azərbaycan tərəfdən Müharibə Veteranı Qadınlarına Sosial Yardım, Abidələrin Müdafiəsi Təşkilatı, Miqrasiya Proseslərinin Tədqiqi, Beynəlxalq İnformasiya və Regional Araşdırmalar ictimai birlikləri təmsil olunur.

Reyting.az




Bölməyə aid digər xəbərlər