Sekuta: “Əliyevin yenidən prezident seçilməsi inkişaf üçün müsbət haldır” » Reyting.az
Sekuta: “Əliyevin yenidən prezident seçilməsi inkişaf üçün müsbət haldır”
Tarix: 18-04-2018 09:26 | Bölmə: Siyasət
Sekuta: “Əliyevin yenidən prezident seçilməsi inkişaf üçün müsbət haldır”

Azərbaycanın ABŞ-dakı Səfirliyində nüfuzlu Donald Ramsfeld Fondunun (Rumsfeld Foundation) Mərkəzi Asiya, Cənubi Qafqaz, Əfqanıstan və Monqolustan ölkələrini əhatə edən proqramı çərçivəsində sözügedən dövlətlərin nümayəndələrinin iştirakı ilə tədbir təşkil olunub.


Səfirlikdən verilən məlumata görə, tədbirdə diplomatik korpus, eləcə də ABŞ Administrasiya rəsmiləri, Vaşinqtonun analitik mərkəzlərinin nümayəndələri, Dövlət Departamentinin Qafqaz və Regional Münaqişələr ofisinin direktoru Alisia Allison, ATƏT-in Minsk qrupunun Amerikalı həmsədri Endryu Şofer, ABŞ-ın Azərbaycandakı sabiq səfiri Robert Sekuta, Ramsfeld Fondunun icraçı direktoru Sara Tonuçi və digərləri iştirak ediblər.

Azərbaycanın ABŞ-dakı səfiri Elin Süleymanov çıxışında Ramsfeld Fondunun proqramında iştirak edən nümayəndələrin səfirliyə gəlişinin ənənəyə çevrildiyini müsbət məqam kimi qeyd edib. Səfir Heydər Əliyevin region çərçivəsində əməkdaşlığa xüsusi əhəmiyyət verdiyini bildirib və Azərbaycanın indiki siyasətinin irimiqyaslı layihələr həyata keçirməklə həm özünün, həm də qonşu ölkələrin rifahına töhfə verməkdən ibarət olduğunu diqqətə çatdırıb. Eyni zamanda ölkəmizin təşəbbüsü ilə Azərbaycan, Gürcüstan, Mərkəzi Asiya, Xəzər dənizi və Qara dəniz regionlarını birləşdirən nəhəng neft-qaz və nəqliyyat layihələrinin regiondaxili əməkdaşlıq və bu ölkələrin rifahının və müstəqilliyinin gücləndirilməsi baxımından vacib olduğu vurğulayıb.

Səfir qeyd edib ki, D. Ramsfeld ABŞ Müdafiə Katibi vəzifəsində işləyərkən regionun strateji əhəmiyyətini anlamış, regionla sıx əməkdaşlıq edib və Azərbaycanla ABŞ arasında münasibətlərin inkişafına töhfə verib.

Azərbaycanın 100 il öncə müsəlman dünyasında ilk demokratik respublikası yaratmaq təcrübəsinin bütün region üçün faydalı təcrübə olduğunu qeyd edən səfir xalqlarımızın bir-birimizin təcrübəsindən öyrənilməsinin vacib olduğunu və bu xüsusda, Ramsfeld Fondunun bu ilki regional konfransın məhz Bakıda keçirilməsinin əhəmiyyətli olduğunu vurğulayıb.

R. Sekuta öz çıxışında qeyd edib ki, bu yaxınlarda Azərbaycanda prezident seçkilərinin keçirilməsi və İlham Əliyevin yenidən prezident seçilməsi sabitlik və inkişaf üçün müsbət haldır və ölkəmizlə tərəfdaşlığı irəli aparmaq və əməkdaşlıq üçün yeni imkanların yaradır. Səfir Sekuta bu il Azərbaycan Demokratik Respublikasının 100 illiyinin qeyd olunduğunu və Azərbaycanla ABŞ arasında münasibətlərin keçmiş 26 il ərzində bir çox işlər görüldüyünü deyib və prezident seçkilərindən sonra yaranmış imkanlardan istifadə edərək əməkdaşlığın yeni mərhələyə çatdırılması və daha da genişləndirilməsinə ümidini bildirib.

Ramsfeld Fondunun proqramı iştirakçıları adından çıxış edən Azərbaycan nümayəndəsi Sərxan Həşimov Ramsfeld Fonduna və Azərbaycan Səfirliyinə minnətdarlığını bildirərək, regional əməkdaşlığın olduqca vacib olduğunu və Azərbaycanın regionun lideri olaraq dost və tərəfdaş xalqları ilə birlikdə gələcəyə ümidlə baxmasını qeyd edib.(APA)

Sekuta: “Əliyevin yenidən prezident seçilməsi inkişaf üçün müsbət haldır”




Bölməyə aid digər xəbərlər