İnstitutun çox bahalı nümunələri məhv olub
Tarix: 06-02-2024 09:13 | Bölmə: Cəmiyyət
İnstitutun çox bahalı nümunələri məhv olub

İsveçin ən nüfuzlu ali təhsil müəssisələrindən biri olan Stokholmdakı Karolinska İnstitutu fevralın 5-də Milad bayramlarında baş verən dondurucu nasazlıq səbəbindən tədqiqat nümunələrinin itirildiyini bildirib.

Reyting.az
xəbər verir ki, tədqiqat nümunələri Karolinska İnstitutunda mənfi 190 dərəcə Selsi temperaturda maye azotla soyudulmuş çənlərdə saxlanılıb.

Dekabrın 22-dən 23-dək olan müddətdə kriogen çənlərə maye azotun verilməsində (enerji problemi səbəbindən) fasilə yaranıb. Aparatlar əlavə maye azot olmadan dörd gün işləyə bilsələr də, nasazlıq beş gün davam edib və nəticədə nümunələr məhv olub.

Karolinska İnstitutunun cənub şəhərciyinin dekanı Matti Sallberq deyib ki, hadisə, İsveçdə təsəvvür edilən ən pis vaxtda, Miladdan bir gün əvvəl baş verib.

Onun sözlərinə görə, itirilmiş nümunələrin dəyəri təxmin edilməyib, lakin söhbət milyonlarla İsveç kronundan gedir.

Sallberq əlavə edib ki, ən çox zərər çəkən 30 il ərzində xəstələrdən nümunələr toplayaraq leykemiya tədqiqatı aparanlar olub.

Hadisə ilə bağlı ali məktəbdə daxili araşdırma başlayıb və vəziyyətlə əlaqədar polisə məlumat verilib, baxmayaraq ki, indiyədək müəssisədə kənar müdaxilə əlamətləri görmürlər. Bununla belə, İsveç mediası versiyalardan biri kimi haker hücumunun nəzərdən keçirildiyini iddia edir.

V. QULİYEV




Bölməyə aid digər xəbərlər
22-04-2024, 12:29 Sabah yağış yağacaq

{sape_links}{sape_article}