21:05 / 12-07-2024
AFFA yeni qərarlar verib
Həcc ziyarətində dünyasını dəyişən zəvvarların sayı 1300-ü ötüb
Tarix: 23-06-2024 23:28 | Bölmə: Cəmiyyət
Həcc ziyarətində dünyasını dəyişən zəvvarların sayı 1300-ü ötüb

Səudiyyə Ərəbistanında Həcc ziyarəti zamanı 1300-dən çox zəvvar dünyasını dəyişib. Onların yarıdan çoxu Misir vətəndaşıdır.

Reyting.az
xəbər verir ki, bunu krallığın səhiyyə naziri Fəhd bin Abdel Rəhman əl-Cələcil bildirib.

“Həcc zamanı ölənlərin sayı 1301 nəfərə çatıb, ölən zəvvarların 83 faizinin müvafiq vizası olmayıb”, - nazir “Əl-İxbariyyə” dövlət telekanalına müsahibəsində deyib.

Qeyd edək ki, həcc zamanı 672 misirli zəvvar dünyasını dəyişib və onlardan yalnız 31 nəfərində Səudiyyə Ərəbistanının müvafiq vizası olub. Qalanları isə zəvvar kimi qeydiyyata alınmayıb və qeyri-qanuni həcc ziyarəti ediblər.

Qeydiyyatdan keçməyən zəvvarlar kondisionerli istirahət obyektlərindən istifadə edə bilməyiblər və hüquq-mühafizə orqanları həcc vizalarını yoxladıqları nəzarət məntəqələrindən yayınaraq açıq günəş altında uzun gəzintilər etməyə məcbur olublar ki, ölümlərin sayının çoxluğuna da səbəb budur.

Həmçinin hazırda 25-i Misir vətəndaşı olmaqla 100-ə yaxın şəxsin itkin düşdüyü bildirilir.(APA)




Bölməyə aid digər xəbərlər
{sape_links}{sape_article}