23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Bakıdakı məşhur ticarət mərkəzindəki güclü yanğın söndürüldü - Video - Fotolar+Yenilənir
Tarix: 10-12-2019 08:36 | Bölmə: Cəmiyyət
Bakıdakı məşhur ticarət mərkəzindəki güclü yanğın söndürüldü - Video

Bakıda ticarət mərkəzində yanğın başlayıb.

Reyting.az
-ın məlumatına görə, hadisə paytaxtın Binəqədi rayonu ərazisində "Eurohome" tikinti materiallarının topdan satış bazarında baş verib. Bazardakı tikinti materialları mağazalarından birində başlanan güclü yanğın başqa mağazalara da keçib.

Hazırda yanğının qarşısının alınmasını istiqamətində tədbirlər görülür.

Hadisə yerinə 3 helikopter göndərilib.

***

Fövqəladə Hallar Nazirliyi (FHN) Bakı şəhərinin Binəqədi rayonunda “EuroHome” tikinti materialları bazarı ərazisindəki yanğınla bağlı məlumat yayıb.

FHN bildirir ki, yanğın barədə məlumat daxil olan kimi Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Hazırda yanğınsöndürmə işləri davam etdirilir.

Əlavə məlumat veriləcək.



***

Səhiyyə Nazirliyi hadisə yerinə 4 Təcili Tibbi Yardım briqadası yollanıb.

Nazirliyin məlumatına görə, saat 09:15 üçün Təcili Tibbi yardım briqadalarına bir nəfər sahibkar müraciət edib. Ona yerində yardım göstərilib.

Bakıdakı məşhur ticarət mərkəzindəki güclü yanğın söndürüldü - Video

***

Bakının Binəqədi rayonu ərazisində yerləşən "EuroHome” tikinti materialları bazarında yanğın baş verən əraziyə dərhal Fövqəladə Hallar Nazirliyin müvafiq qüvvələri cəlb edilib, "Çağırış 3" elan olunub.

Bu barədə Fövqəladə Hallar Nazirliyi məlumat yayıb.

Yanğının söndürülməsi istiqamətində işlər davam etdirilir.

Əlavə məlumat veriləcək.

***

Səhiyyə Nazirliyi Bakı şəhərinin Binəqədi rayonunda “EuroHome” tikinti materialları bazarı ərazisində baş verən yanğınla bağlı yeni məlumat yayıb.

Nazirlikdən Reyting.az-a verilən məlumata görə, tikinti materialları bazarında baş verən yanğınla əlaqədar hadisə yerinə artıq 5 briqada cəlb olunub.

Saat 09:50-yə olan məlumata görə, 2 nəfər tüstüdən zəhərlənmə diaqnozu ilə 1 saylı Kliniki Tibbi Mərkəzin Toksikologiya şöbəsinə gətirilib.

***

Fövqəladə Hallar Nazirliyi (FHN) bu gün səhər saatlarında Bakı şəhəri, Binəqədi rayonu ərazisində yerləşən "EuroHome” tikinti materialları bazarında baş vermiş yanğınla bağlı rəsmi məlumat yayıb.

FHN-dən Reyting.az-a verilən məlumata görə, yağın söndürülüb:

"Yanğının söndürülməsi üçün əraziyə FHN-in Dövlət Yanğından Mühafizə Xidmətindən 29 ədəd texnika və 150 nəfər canlı qüvvə, Xüsusi Riskli Xilasetmə Xidmətindən 16 ədəd texnika və 200 nəfər canlı qüvvə, Aviasiya dəstəsindən 3 ədəd helikopter və 1 ədəd "BE-200ÇS” tipli təyyarə, Mülki müdafiə qoşunlarından 3 ədəd texnika və 53 nəfər canlı qüvvə cəlb olunub. Soyutma işləri davam etdirilir. İlkin hesablamaya əsasən, təxminən 5 hektar bazar ərazisinin 2 hektarı yanıb. Bazarın qalan hissəsi və bitişik tikintilər, o cümlədən yaşayış evləri yanğından mühafizə olunub.

İlkin ehtimala əsasən, yanğın bazarda yerləşən kafel-metlaq satışı mağazasında elektrik kabellərində başlayıb. Hazırda araşdırma işləri davam etdirilir".

***

“EuroHome” tikinti materialları bazarında baş verən yanğın tam məhdudlaşdırılıb. 1 təyyarə və 3 helikopter vasitəsilə 50 tona yaxın su yanğın olan əraziyə tökülüb".

Reyting.az
xəbər verir ki, bunu jurnalistlərə açıqlamasında Fövqəladə Hallar nazirinin müavini Etibar Mirzəyev deyib.

O bildirib ki, 2 saat yarıma qədər davam edən yanğının söndürülməsində öncə su problemi olub:

"Mənə verilən məlumata görə, yanğın yerinə FHN-in 40-dan artıq texnikası, 250-dən çox canlı qüvvəsi səfərbər olunub. İlkin məlumata görə, yanğının ərazisi 21 min kvadrat metrdir. Yanğın səbəbləri hazırda araşdırılır. Daha ətraflı məlumatlar veriləcək".

Bakıdakı məşhur ticarət mərkəzindəki güclü yanğın söndürüldü - Video
Bakıdakı məşhur ticarət mərkəzindəki güclü yanğın söndürüldü - Video

Reyting.az




Bölməyə aid digər xəbərlər
Dünən, 12:54 Sabah yağış yağacaq
17-03-2024, 14:32 Sabah yağış yağacaq

{sape_links}{sape_article}