Professor: “Pandemiya insanları çətin psixoloji vəziyyətə salıb”
Tarix: 16-09-2020 11:34 | Bölmə: Cəmiyyət
Professor: “Pandemiya insanları çətin psixoloji vəziyyətə salıb”

“COVID-19 pandemiyası insanların nəinki həyat və sağlamlığı üçün təhlükə yaradıb, hətta hər kəsi olduqca çətin psixoloji vəziyyətə salıb”.

Bunu Səhiyyə Nazirliyinin Psixi Sağlamlıq Mərkəzinin rəhbəri, tibb elmləri doktoru, professor Fuad İsmayılov COVID-19 pandemiyasının insanların psixoloji sağlamlığına təsiri haqqında müsahibəsində bildirib. Onun sözlərinə görə, özünütəcrid rejimi insanların həm gündəlik həyat tərzlərini dəyişib, həm də onların psixoloji qeyri-sabitliyini üzə çıxarıb. Professor qeyd edib ki, COVID-19 virusunun yaratdığı narahatlıq və qorxu milyonlarla insanın ruhi sağlamlığına mənfi təsir edib, pandemiya səbəbindən qarşılıqlı sosial əlaqələrin çatışmazlığı insan psixikasına dərin mənfi təsir göstərib: “Belə vəziyyətdə əsas simptomlar sırasında sayıqlama əlaməti seçilir və hazırda koronaviruslu xəstələrdə də bu hal tez-tez müşahidə edilir”.

Fuad İsmayılov hazırda rəhbərlik etdiyi mərkəzə psixoloji yardım üçün müraciət edən insanların sayının artdığını, müraciət edən xəstələrdə müxtəlif psixoloji və psixiatrik pozuntular müşahidə olunduğunu deyib: “Məsələn, kəskin stress reaksiyası və depressiya sindromlarından əziyyət çəkən xəstələr öz həyatlarını itirməkdən qorxur, özlərini "stress halında" saxlayır. Bundan başqa, yoluxma qorxusu artdığına görə müraciət edənlərin arasında obsessiv–kompulsiv pozuntuların artması müşahidə olunur. Posttravmatik stress pozuntularını yaşayan xəstələrın sayı da az deyil. Bu xəstəlikləri ən kəskin şəkildə keçirənlər COVID-19-a yoluxmuş insanlar və yaxınlarıdır. 65 və yuxarı yaş qrupuna gəldikdə isə, onlarda da depressiya və tənhalıq hissi müşahidə olunub. Çünki həmin şəxslər ciddi karantin rejimində özünü təcrid olunmuş hesab edib və yaxınları ilə görüşə bilməyib”.

Psixoloji sarsıntı keçirmiş ən böyük qrupun həkimlər və tibb personalı olduğunu bildirən professor səhiyyə işçilərinin streslərə daha az davamlı olduqlarını vurğulayıb/APA.




Bölməyə aid digər xəbərlər
{sape_links}{sape_article}