Türkiyə prezidenti Rəcəb Tayyib Ərdoğan rəsmi Moskvanın Ankaraya qarşı olduqca emosional davrandığını deyib.

Rusiyadan qaz alışının dayanmasının Türkiyə üçün itki olmayacağını bildirən Ərdoğan alternativ ünvanlara üz tuta biləcəklərini də dilə gətirib: «Biz qazı təkcə Rusiyadan almırdıq. İndi onların qazı olmadan itib-batmarıq. Müxtəlif ölkələrdən qaz alırıq. Allahın köməyi ilə bu problemin də öhdəsindən gələcəyik».

Türkiyə prezidenti Rusiyanın dərhal sanksiya dili ilə danışmasının heç də yaxşı hal olmadığını bildirib: «Bütün dünya Rusiyaya sanksiya tətbiq edəndə Türkiyə bunu etmədi. Biz dedik ki, Rusiya bizim strateji tərəfdaşımızdır».

Qeyd edək ki, Türkiyə Rusiyanın sanksiyalarına cavab vermək üçün «B» planının olduğunu bəyan edib.