17:38 / 28-03-2024
Əməkdar artist vəfat edib
Mehriban Əliyeva moda sərgisinin açılışını edib - Fotolar
Tarix: 07-10-2017 12:20 | Bölmə: Fotoqalereya
Mehriban Əliyeva moda sərgisinin açılışını edib

Oktyabrın 6-da Heydər Əliyev Mərkəzində Aleksandr Vasilyev Fondunun təqdimatında 1960-cı illərin geyim və bəzək əşyalarından ibarət “Modernizm və moda” sərgisinin açılışı olub.

Azərbaycanın Birinci vitse-prezidenti Mehriban Əliyeva da sərginin açılış mərasimində iştirak edib.

Heydər Əliyev Mərkəzinin direktoru Anar Ələkbərov mərasimdə çıxış edərək deyib ki, artıq bir neçə dəfə Heydər Əliyev Fondunun dəstəyi ilə moda mövzusuna müraciət ediblər:

“Mərkəzdə italyan modelyer Renato Balestranın Azərbaycan ornamentlərindən ibarət moda şousu keçirilib. Eyni zamanda, 2015-ci ildə Monako Şahzadəsi Qreys Kellinin zinət əşyaları, şəxsi geyim nümunələri, ilk dəfə Azərbaycanda təqdim olunan avtomobil kolleksiyası “Qreys Kelli: şahzadə və stil ikonası” sərgisində nümayiş etdirilib”.

A.Ələkbərov sərgidə təqdim olunan kolleksiyanın rəhbəri Aleksandr Vasilyevə və sərginin kuratoru Kirill Qasilinə, eləcə də sərginin təşkilində əməyi olan hər kəsə təşəkkür edib.

Açılış mərasimində çıxış edən Aleksandr Vasilyev Bakıya səfərinin böyük xoşbəxtlik olduğunu deyib: “Günəşli gündür, çox gözəl kampaniyadır, dost simalar görürəm. Bütün bunlar uğurdan xəbər verir. Mən, ilk növbədə, Heydər Əliyev Mərkəzinə kolleksiyamı nümayiş etdirməyə imkan yaratdığı üçün təşəkkür edirəm”.

A.Vasilyev qeyd edib ki, bu sərginin ekspozisiyası 40 il ərzində toplanıb:

“Biz müxtəlif ölkələrə, o cümlədən Avstraliyaya, Yaponiyaya, Çinə, Türkiyəyə, Fransaya, İtaliyaya, İsveçrəyə, Litvaya, Latviyaya, Estoniyaya, Rusiyaya, Cənubi Amerikaya və digər ölkələrə bu sərgi ilə bağlı səyahət etmişik. Kurator Kirill Qasilin bu sərginin təşkilinə böyük vaxt sərf edib. Mən bu sərginin təşkilinə görə böyük imkan yaradıldığı üçün Heydər Əliyev Fonduna təşəkkür edirəm. Bizim digər sərgilər də təşkil etmək planımız var. Altı aydan sonra sizə daha maraqlı bir sərgi göstərməyi planlaşdırırıq. Bu, hələ ki, sirdir. Çünki siz hələ bu sərgidən zövq alacaqsınız. Sərgidə görəcəkləriniz, ola bilsin ki, sizin gözləntinizi də ötüb keçəcək. Bu, həmin möhtəşəm dövrün ən yaxşı modalarıdır. “Chanel”, “Dior”, “Balmain”, “Yves Saint Laurent”, “Balenciaga”, “Nina Ricci”, “Cardin”, “Couregge”, “Laroche”, “Cassini”, “Valentino” kimi yüksək modanın qəhrəmanlarının müxtəlif, ən yüksək keyfiyyətli modelləri təqdim edilir. Bunlar o dövrün ulduzlarına məxsus idi. Həmçinin sərgidə çoxsaylı aksesuarlar, çantalar, şlyapalar, bijuteriyalar və s. yer alıb. Düşünürəm ki, bunlar sizdə dərin təəssürat oyadacaq”.

Anar Ələkbərov isə Mərkəzin adından qonağa XIX əsrin sonları - XX əsrin əvvəllərinə aid Azərbaycan milli qadın geyimini təqdim edib.

Daha sonra Mehriban Əliyeva və Aleksandr Vasilyev sərginin açılışını bildirən rəmzi lenti kəsiblər.

Heydər Əliyev Fondunun dəstəyi ilə təşkil edilən bu sərgi Bakıda ilk dəfə nümayiş olunur. Ekspozisiyada Aleksandr Vasilyev Fondunun nadir kolleksiyasından XX əsrin 60-cı illərinə aid 100 geyim nümunəsi və 350 aksesuar təqdim edilir.

Heydər Əliyev Mərkəzində təşkil olunan sərgi 2018-ci il aprelin 5-dək davam edəcək.

Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib
Mehriban Əliyeva moda sərgisinin açılışını edib




Bölməyə aid digər xəbərlər
20-10-2022, 07:35 Ağalı kəndi... - Fotolar
7-11-2021, 18:19 Zəfər yolu... - Fotolar
21-10-2021, 08:23 Azad Zəngilan - Fotolar
5-10-2021, 13:48 Qələbə sevinci - Fotolar
23-12-2020, 19:21 Bizim Qubadlı - Fotolar

{sape_links}{sape_article}