Nazir üç müdiri işdən kənarlaşdırdı – Töhmət alanlar, xəbərdarlıq edilənlər də var
Tarix: 11-06-2016 19:42 | Bölmə: Gündəm


Bu gün Kənd Təsərrüfatı Nazirliyində Bakı Şəhər Baytarlıq İdarəsinin fəaliyyəti və qarşıda duran vəzifələrə dair geniş tərkibdə iclası keçirilib.

Dövlət Baytarlıq Nəzarəti Xidmətindən verilən məlumata görə, iclasda çıxış edən kənd təsərrüfatı naziri Heydər Əsədov respublikada ərzaq təhlükəsizliyinin təmin olunmasında Dövlət Xidmətinin müstəsna rolu olduğunu qeyd edib.

İclasda Dövlət Baytarlıq Nəzarəti Xidmətinin rəisi vəzifəsini müvəqqəti icra edən Azər Süleymanov Bakı Şəhər Baytarlıq İdarəsinin fəaliyyəti və mövcud nöqsanlar barədə geniş və əhatəli məlumat verib.

İclasda Baytarlıq-sanitariya ekspertiza laboratoriyalarının fəaliyyəti barədə hər bir Baytarlıq-sanitariya ekspertiza laboratoriyaları (BSEL) rəhbərlərinin məlumatı dinlənilib.

İşdə ciddi nöqsanlara yol verdiklərinə və işlərini günün tələbləri səviyyəsində qura bilmədiklərinə, alınmış müasir baytarlıq laboratoriya avadanlıq və reaktivlərindən səmərəli istifadəni təmin etmədiklərinə görə 2 saylı BSEL-in müdiri Mehri Əliyeva, 6 saylı BSEL-in müdiri Gülnarə Sadıqova və 20 saylı BSEL müdiri Nüşabə Abdullayeva tutduqları vəzifədən azad ediliblər.

9 saylı BSEL-in müdiri Almaz Bağırova, 10 saylı BSEL-in müdiri Canbaxış Vəliyevə, 17 saylı BSEL-in müdiri Saleh Arazova axırıncı xəbərdarlıq olmaqla şiddətli töhmət; 18 saylı BSEL-in müdiri Əlixan İbrahimova, 23 saylı BSEL-in müdiri Yusif İbrahimova, 24 saylı BSEL-in müdiri Süleyman Əhmədova, 5 saylı BSEL-in müdiri Ramazan Eminova töhmət verilib, 8 saylı BSEL-in müdiri Ramiz Əsgərova, 13 saylı BSEL-in müdiri Əbülfət Əsədova xəbərdarlıq edilib, qısa müddətdə işlərində dönüş yaratmadıqları təqdirdə daha ciddi tədbirlər görüləcəyi nəzərlərinə çatdırılıb.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}