İlham Əliyev və birinci xanım Ağdama səfər ediblər - Yenilənib - Videolar
Tarix: 23-11-2020 18:05 | Bölmə: Gündəm
İlham Əliyev və birinci xanım Ağdama səfər ediblər - Yenilənib

Azərbaycan Respublikasının Prezidenti, Ali Baş Komandan İlham Əliyev və Birinci vitse-prezident Mehriban Əliyeva işğaldan yenicə azad edilmiş Ağdam rayonuna səfər ediblər.

Reyting.az
xəbər verir ki, bu barədə Mehriban Əliyeva “Instaqram” səhifəsində paylaşım edib.

Prezident səfər haqda bunları deyib: “Baxın, müdafiə xətti. Ağdam şəhərinədək bir neçə ədəd müdafiə xətti var idi düşmənin. Biz işğaldan azad edilmiş torpaqlara keçirik. İstiqamət Ağdam şəhəridir. Ağdam şəhərini və işğal altında olmuş Ağdam rayonunun torpaqlarını biz bir güllə atmadan azad etdik. Düşməni döyüş meydanında məğlub edərək məcbur etdik ki, Ağdam rayonundan çəkilsin”.

Azərbaycan vətəndaşlarının düşmən tərəfindən dağıdılmış evlərinə diqqət çəkib: “Hansı vəhşilərlə biz üz-üzəydik, hansı vəhşiləri biz məğlub etmişik. Bütün dünya bunu görməlidir".

Səfərlə bağlı əlavə məlumat veriləcək.





***

Ağdam rayonunda səfərdə olan prezident İlham Əliyev deyib ki, düşmən işğal etdiyi ərazilərdə Azərbaycan vətəndaşlarının evlərini dağıdıb:

“Qoy, bütün dünya görsün ki, vəhşi düşmən nə günə qoyub bizim kəndlərimizi. Hansı vəhşilərlə üz-üzə idik. Biz, hansı vəhşiləri biz məğlub etmişik. Bütün dünya bunu görməlidir. Bir dənə də salamat bina yoxdur. Hamısını dağıdıblar. Evlərimizi, kəndlərimizi dağıdıb, torpaqlarımızdan istifadə ediblər. Bütün hərbi cinayətlərə görə düşmən cavab verəcək”.

Prezident bildirib ki, düşmənin vəhşiliklərini göstərmək üçün Ağdam şəhərinə də həm yerli və xarici jurnalistləri, həm də diplomatik korpus nümayəndələrini dəvət edəcəyik.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}