Rabitə və Yüksək Texnologiyalar Nazirliyinin tabeliyində olan ən böyük müəssisələrindən biri - "Aztelekom” MMC-yə baş direktor təyin olunub.

Reyting.az APA-ya istinadən xəbər verir ki, bu vəzifəyə Suat Paşayev gətirilib.

Qeyd edək ki, S.Paşayev buna qədər "Rcom” şirkətinin baş direktoru vəzifəsində çalışıb.

Xatırladaq ki, bu təyinata qədər "Aztelekom” MMC-nin baş direktoru Məhəmməd Məmmədov olub. M.Məmmədov barəsində Səbail Rayon Məhkəməsinin qərarı ilə 3 ay müddətinə həbs-qətimkan tədbiri seçilib. O Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham olunur.

Baş direktorla birlikdə daha bir neçə vəzifəli şəxs, o cümlədən "Aztelekom”un baş mühasibi Oqtay Rüstəmov də saxlanılıb.