14:50 / 28-02-2024
Lavrov Türkiyəyə gedir
Ukraynada məhv edilmiş Rusiya texnikalarının emalı üçün zavod açıla bilər
Tarix: 02-12-2023 19:00 | Bölmə: İqtisadiyyat
Ukraynada məhv edilmiş Rusiya texnikalarının emalı üçün zavod açıla bilər

Ukrayna Rusiyanın məhv edilmiş 15 min zirehli texnikasının 1 milyon tona yaxın metal qırıntıları mənbəyinə çevrilib. Təkcə Müdafiə Nazirliyinin Özgəninkiləşdirmə və Təkrar Emal İdarəsinin uçotunda 12 min tondan çox metal qırıntısı toplanıb. Onların 541 tondan çoxunun tərkibində qiymətli metallar var.

Reyting.az
xəbər verir ki, bu barədə “Forbes” yazıb.

2024-cü ilin sonuna qədər Ukrayna Müdafiə Nazirliyi 200.000 ton qırıntını qeydiyyata ala bilər, lakin konkret satış proseduruna görə, ötən illər ərzində idarə qırıntıları emal üçün təhvil verməyib, sadəcə, öz anbarlarında toplayıb.

Qeyd olunur ki, hökumət qalan hərbi qırıntıların ixracına icazə verməsə, Ukraynada emal müəssisəsi qurmaq məsələsi gündəmə gələ bilər. Hesablamalara görə, bu hərbi qırıntıların satışından təxminən 7 milyard UAH qazanmaq və ya Ukraynada təxminən 2000-2500 nəfərlik yeni iş yeri yaratmaq olar.

Müdafiə Nazirliyi öz anbarlarında yığılmış qara metallardan metal qırıntılarını yalnız hökumətin təsdiq etdiyi siyahıdan müvəkkil dövlət müəssisələrinin cəlb edilməsi ilə sata bilər. Hazırda idarə yalnız üç dövlət şirkəti ilə əməkdaşlıq edir: “Ukroboronservis,” “Ukrspetstorg” və Çerkassı Avtomobil Təmiri Zavodu.

Bildirilir ki, tərkibində qiymətli metallar olan metal qırıntılarının satışı daha da çətindir.

Ukrayna tərəfi elan edir ki, indiyə qədər 5551 ədəd tank, 10340 ədəd zirehli döyüş maşını, 7909 ədəd artilleriya sistemi, 5954 ədəd əməliyyat-taktiki səviyyəli PUA, 10361 ədəd avtomobil avadanlığı və yük maşınları, eləcə də 1124 ədəd xüsusi texnika məhv edib. Eyni zamanda 324 ədəd helikopter və təyyarələr, 323 ədəd hava hücumundan müdafiə sistemləri, habelə 22 ədəd gəmi, 1 ədəd sualtı qayıq, 1567 ədəd qanadlı raketin məhv edildiyi bildirilir.

E. KAMAL




Bölməyə aid digər xəbərlər
{sape_links}{sape_article}