12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Dünyanın ən böyük hava limanı tikiləcək - Foto
Tarix: 12-04-2024 21:33 | Bölmə: İqtisadiyyat
Dünyanın ən böyük hava limanı tikiləcək

Dünyanın ən böyük hava limanı Səudiyyə Ərəbistanında inşa ediləcək.

Reyting.az
xarici KİV-lərə istinadla bildirir ki, Beynəlxalq Hava Limanında 4 terminal, 6 uçuş-enmə zolağı, həmçinin ərazidə velosiped yolları, eləcə də yaşıllıq və bağlar olacaq.

Səudiyyə Ərəbistanı son aylarda nəhəng layihələrə başlayıb. Krallıq məqsədyönlü şəkildə neft ixracından getdikcə daha az asılı olmaq və hazırda diqqətini müasir, yüksək texnologiyalı sənayeyə, turizmə yönəltmək istəyir.

Bütün bu layihələri lazımi infrastrukturla təmin etmək üçün paytaxt Ər-Riyadda dünyanın ən böyük hava limanı tikiləcək.

Hava limanının buraxılış qabiliyyəti ildə 120 milyon sərnişin olmalıdır. Sərnişinin sayına görə isə bu aeroport dünyanın ən böyük hava limanı sayılacaq. 2050-ci ilə qədər limanın sərnişin tutumunun daha çox, 185 milyon olacağı təxmin edilir.

Sərnişin axınını artırmaq üçün yeni hava limanı istifadəyə verilən kimi buradakı həyata keçən uçuşların sayının indiki 210 mindən ildə bir milyondan çox artırılması da planlaşdırılır.

Atlanta hava limanı hazırda liderdir və bu liman ildə ən çox sərnişin qəbul edir - 93,7 milyondan az olmayaraq. ABŞ-da, Dallas limanı isə ildə 73,4 milyon sərnişin qəbul edir və sonrakı yerdə isə hər il 69 milyon sərnişin daşıyan Denver var. Lakin Avropanın özündə də bu statistika elə az deyil, İstanbul hər il 64,3 milyona yaxın sərnişin daşıyır, Hitrou London limanı isə 61,6 milyon sərnişinlə dünyada ən böyük hava limanlarından biri siyahısına düşüb.

Böyük Britaniyanın dünyaca məşhur olan memarlıq şirkəti "Foster + Partners" Kral Salmanın adını daşıyacaq bu Beynəlxalq Hava Limanının layihələndirilməsini, həm də planlaşdırılması sifarişini artıq qəbul edib.

Səudiyyə Ərəbistanında tikiləcək nəhəng və dünyada ən böyük hava limanının bu tikinti müqaviləsi Londonun Hitrou hava limanı ilə uzunmüddətli müqaviləsi olan İngiltərənin tanınmış şirkəti hesab edilən "Mace Group" şirkətinə verilib.



Oqtay QORÇU




Bölməyə aid digər xəbərlər
{sape_links}{sape_article}