Dünya bazarında neft ucuzlaşıb
Tarix: 15-04-2021 16:07 | Bölmə: İqtisadiyyat
Dünya bazarında neft ucuzlaşıb

Neftin qiymətləri ötən gün kəskin qalxdıqdan sonra bir qədər ucuzlaşıb.

"Prime” xəbər verir ki, “Brent” markalı neftin iyun fyuçersləri 0,36 faiz ucuzlaşaraq 66,34 ABŞ dollarından, WTI markalı neftin may fyuçersləri isə 0,41 faiz ucuzlaşaraq 62,89 dollardan satılıb.

Xatırladaq ki, ötən gün ABŞ-da neft ehtiyatlarının gözlənildiyindən daha kəskin azalmasına dair rəsmi açıqlama, IEA və OPEC tərəfindən tələbat proqnozlarının artırılması neft qiymətlərinin 5 faizədək artmasına gətirib çıxarmışdı. Ona görə bu gün qeydə alınan cüzi ucuzlaşma geri təkan kimi dəyərləndirilməlidir.

“Neft bazarında əlverişli vəziyyət davam edir. Avropada və Hindistanda tətbiq olunan məhdudiyyətlərə baxmayaraq, ümumi mənzərə getdikcə düzəlir”, - deyə “Commerzbank”ın eksperti Eugen Vaynberq (Eugen Weinberg) “Bloomberg”ə bildirib.




Bölməyə aid digər xəbərlər
{sape_links}{sape_article}