Azərbaycanın Türkiyə və Rusiya ilə ticarət dövriyyəsi artıb
Tarix: 20-04-2021 16:20 | Bölmə: İqtisadiyyat
Azərbaycanın Türkiyə və Rusiya ilə ticarət dövriyyəsi artıb

Bu ilin yanvar-mart aylarında Azərbaycanın Türkiyə ilə apardığı ticarət mübadiləsinin həcmi 1 milyard 118 milyon ABŞ dolları təşkil edib ki, bu da 2020-ci ilin eyni dövrü ilə müqayisədə 51 faiz çoxdur.

Dövlət Gömrük Komitəsinin hesabatı əsasında aparılan hesablamalara görə, cari ilin I rübündə Azərbaycandan Türkiyəyə ixracın həcmi 739 milyon 386 min dollar təşkil edib ki, bu da 2020-ci ilin eyni dövrü ilə müqayisədə 2,1 dəfə çoxdur. İdxalın həcmi isə 378 milyon 886 min dollara bərabər olub, bu göstərici illik müqayisədə 2,8 faiz azalıb.

Nəticədə, 2021-ci ilin I rübündə 360,5 milyon dollarlıq müsbət saldo yaranıb. Halbuki ötən ilin analoji dövründə 39 milyon 198 min dollarlıq mənfi saldo yaranmışdı.

Qeyd edək ki, 2020-ci ildə Azərbaycanın Türkiyə ilə apardığı ticarət mübadiləsinin həcmi 4 milyard 161 milyon dollar təşkil edib. Bu, 2019-cu illə müqayisədə 7,7 faiz azdır.

Xatırladaq ki, Azərbaycan və Türkiyə 2023-cü ildə qarşılıqlı ticarət dövriyyəsinin həcmini 15 milyard dollara çatdırmaq niyyətindədir.

Azərbaycanın Rusiya ilə ticarət dövriyyəsi artıb

Bu ilin yanvar-mart aylarında Azərbaycanla Rusiya arasında ticarət dövriyyəsinin həcmi 585 milyon 216 min ABŞ dolları təşkil edib ki, bu da 2020-ci ilin eyni dövrü ilə müqayisədə 2 faiz artıb.

Hesabat dövründə ixracın həcmi 135 milyon 331 min dollar təşkil edib ki, bu da illik müqayisədə 3,5 faiz azdır. İdxal isə 449 milyon 885 min dollara bərabər olub ki, bu da illik müqayisədə 3,7 faiz çoxdur.

Nəticədə, 2021-ci ilin I rübündə 314 milyon 554 min dollarlıq mənfi ticarət saldosu yaranıb ki, bu göstərici illik müqayisədə 7,2 faiz artıb.(APA)

Reyting.az




Bölməyə aid digər xəbərlər
{sape_links}{sape_article}