Azərbaycanın problemi yerliçilikdir - Rasim Ağayev
Tarix: 11-12-2019 17:07 | Bölmə: Xəbər lenti
Azərbaycanın problemi yerliçilikdir

“Ölkədə kadr islahatlarının aparılması müsbət hadisədir. Amma mənim şəxsi fikrimcə, Azərbaycanın problemi kadr məsələsi deyil, yerliçilikdir. Bu proses sovet dövründən başlayıb. Hesab edirəm ki, bu problemdən xilas olmalıyıq”.

Bu fikirləri politoloq Rasim Ağayev Reyting.az-a açıqlamasında deyib.

R. Ağayevin fikrincə, artıq yerliçilik sosial baxımdan qəbul edilən reallıq kimi ortaya çıxıb: “Hesab edirəm ki, bu bir instrument kimi siyasətçilərin şüurundan çıxmalıdır. Biz bu barədə açıq danışmalıyıq. Əslində, bir vaxtlar Livanda da buna oxşar proseslər müşahidə olunub”.

Politoloq əlavə edib ki, buna oxşar, amma fərqli proseslər əksər ölkələrdə özünü büruzə verib: “Məsələn, hazırda Rusiyada Peterburq klanı hakimiyyətdədir. Onlar buna yerliçilik demirlər, “Peterburqçular” deyirlər. Uralda, Həştərxanda və ya Sibirdə nə yerliçilik ola bilər? Leninin vaxtında niyə paytaxt Peterburqdan Moskvaya dəyişdirildi? Çünki Peterburqun öz mövqeyi var idi, orada güclü müxalifət olub. Özü də həmişə. Bu, həqiqətdir”.

R. Ağayev gənclik dövrü “Azərbaycan Radiosu”nda işlədiyi dövrdə ilk dəfə Mərkəzi Komitədə olanda qarşılaşdığı əhvalatı da danışıb: “Mən onda radioda işləyirdim və SSRİ-də Sərhədçilər Günü idi. Mən də bu mövzuda veriliş hazırlayırdım. Gəlib Mərkəzi Komitəyə, ora girdim, bura girdim. Sonda da soruşdum ki, axı “ÇK” (Mərkəzi Komitəni nəzərdə tutur-red.) hardadır? Dedilər ki, “ÇK” elə buradır, bəyəm bilmirsən? Hətta buraxılış vəsiqəsini dolduran zaman dedilər ki, deyəsən siz bakılısınız. Çünki ancaq bakılı deyə bilər ki, “ÇK” hardadır? Otaqda olan başqa bir şəxs isə dedi, yox, sənin sifətinin quruluşundan Qarabağdan və ya Naxçıvandan olana bənzəyirsən. Hətta soruşdular ki, harada anadan olmusan, dedim Naxçıvanda. Cavab verdi ki, gördün, mən düz deyirdim. Baxmayaraq ki, mən Pirallahıda (Artyom adası) böyümüşdüm, ətrafımda ruslar çox olmuşdu və azərbaycan dilində çətin danışırdım. “Atan haralıdır”,- sualını eşidəndə isə dizlərim əsməyə başladı. Çünki atam ərzurumlu idi. Bu da bizim ailəmizin sirri idi. Bu barədə mən, anam və böyük qardaşım bilirdi. Digər uşaqlar bunu bilmirdi. Atam görürdü ki, “Amerikanın Səsi”nə qulaq asıram, bir dəfə məni yanına dəvət edib dedi ki, ehtiyatlı ol, səni ilişdirərlər. Həqiqətən də o dövrdə bu şeylər çox təhlükəli idi. Baxmayaraq atam prokuror işləyirdi. Əslində həqiqətən də Naxçıvanda doğulmuşdum. Çünki atam Naxçıvanda işləyirdi və mənim qismətimə orada anadan olmaq düşmüşdü. Rusların, cuhudların arasında isə belə məsələlər yox idi”.

80 yaşını haqlamaqda olan politoloq əlavə edib ki, atası ərzurumlu olsa da, vətənini görə bilməyib: “Mən Ərzuruma getdim ki, atamın vətənini görüm. Ərzurumda məşhur məscid var. O zaman erməni-müsəlman qırğını zamanı babam uşaqları məscidə qoymuşdu. Uşaqlarından bir neçəsi İrəvana tərəf getmişdi, dayım Şimali Qafqazda qalmışdı, atam da Bakıya gəlmişdi. Bəziləri isə Həştərxana üz tutmuşdu”.скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}