“Genişmiqyaslı hərbi əməliyyatlara başlamalıyıq!” - QAT
Tarix: 13-07-2020 14:25 | Bölmə: Xəbər lenti
“Genişmiqyaslı hərbi əməliyyatlara başlamalıyıq!”

“İyulun 12-də cəbhənin Tovuz rayonu istiqamətində Ermənistanın işğalçı qüvvələrinin təxribat törədərək Azərbaycanın mövqelərinə hücum etmək cəhdi bir daha göstərdi ki, düşmən işğalçı və təcavüzkar niyyətlərindən geri çəkilmək niyyətində deyil”.

Reyting.az
xəbər verir ki, bu fikirlər Qarabağ Azadlıq Təşkilatının (QAT) Tovuz rayonu istiqamətində baş verən gərgin döyüşlərlə bağlı bəyanatında yer alıb.

QAT-ın bəyanatında daha sonra qeyd edilir:

“Biz Qarabağ Azadlıq Təşkilatı olaraq Azərbaycan Ordusunun düşmənə sərt cavab verməsini, onlarla düşmən əsgərinin məhv edilməsini təqdir edir, Ordumuzun yanında olduğumuzu bildiririk, Şəhidlərimizə Allahdan rəhmət diləyirik”.

Təşkilat ermənilərin bu cür azğınlaşmasına görə beynəlxalq təşkilatları, xüsusilə də Minsk qrupu həmsədrlərini ittiham edir: “Onlar işğalçı Ermənistanı dayandırmaq, cəzalandırmaq üçün heç nə etmir, əksinə, ermənipərəst mövqeləri ilə işğalçıya himayədarlıq edirlər.

Biz cəbhədə baş vermiş hadisə ilə bağlı xalqın, o cümlədən, məcburi köçkünlərin fəallığını yüksək qiymətləndirir, onların işğalçı Ermənistana qarşı müharibənin başlaması tələbini tam dəstəkləyirik. Hesab edirik ki, Azərbaycan hakimiyyəti düşmənin həmləsinin qarşısının alınması ilə bağlı uğurlu hərbi əməliyyatları davam etdirməli, genişmiqyaslı hərbi əməliyyatlara başlamalı, az vaxt ərzində torpaqlarımızı tam azad etməlidir. Başqa yol yoxdur!”.
скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}