Türkiyə ərazisində qədim nekropol tapılıb
Tarix: 10-07-2024 17:22 | Bölmə: Mədəniyyət
Türkiyə ərazisində qədim nekropol tapılıb

Türkiyə ərazisində, tarixi Kapadokiyada unikal artefaktlara malik qədim nekropol tapılıb. Arxeoloji qazıntı zamanı üzə çıxan abidə haqqında danışan türkiyəli alimlər deyiblər ki, qədim nekropol böyük tarixi əhəmiyyətə malikdir və onu nadir tapıntı hesab etmək olar.

Reyting.az
"Arkeonews" nəşrinə istinadla xəbər verir ki, Kapadokiyada, yəni çox böyük tarixə malik olan Türkiyədə ənənəvi daş dəfnlər adətlərinə aid olmayan, eləcə də özünəməxsus olan qədim unikal strukturu ilə mütəxəssisləri heyrətləndirən bu nekropolun arxeoloji kəşfi müasir arxeologiya elmi sahəsində növbəti yeni tarixi səhifə açacaq.

Tədqiqatçılar bildiriblər ki, ən vacib olan maraqlı məqam ənənələrin əksinə olaraq qədim dövrlərdə bu ərazilərdə baş verən hadisələrin xülasəsidir. Bu sahədə çalışan arxeoloq və tədqiqatçı alimlərə məlum olduğu kimi, Kapadokiyanın tarixi çox qədim olan ərazilərində indiyə qədər tapılan bütün nekropollar müqəddəslərin dəfn edildiyi mağara kilsələri ənənəvi bir üslubda olub. Belə nekropolların döşəmə, həm də divarları geoloji xüsusiyyətlərinə görə bəzən kilsələrdən kənarda yerləşən oval çuxurlardan ibarət olurdu. Yeni üzə çıxan nekropol isə fərqli memarlıq üslubu ilə seçilir və qayaüstü qəbirləri yoxdur.

Arxeoloqlar deyiblər ki, ilk dəfədir Tokala kilsəsinin qarşısında bir uşaq məzarı da daxil olmaqla, belə qayaüstü qəbirləri olmayan nekropol aşkar edilib. Üstəlik, arxeoloji qazıntılar zamanı burada eyvanlı kilsənin geniş zirzəmisi, mətbəxi və emalatxanası da tapılıb.

Qeyd edək ki, Tokala kilsəsi öz böyüklüyü, həmçinin yeraltı kilsə olmaqla IX əsrə aid freskaları ilə tanınır.

Arxeoloqların yeni uğurlu tapıntısı bu arxeoloji parkın yaxın gələcəkdə, 2025-2026-cı illərdə genişləndirilməsinə dair planlardan da xəbər verir.

Türkiyə arxeoloqlarının birgə təşəbbüsü ilə bu "Gələcək İrs" layihəsi çərçivəsində Ortahisar və Görəmə arasındakı tarixən çox qədim yolda qazıntılar indi də davam edir.

Oqtay QORÇU




Bölməyə aid digər xəbərlər
{sape_links}{sape_article}