12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Paşinyan: “Ermənistan-Türkiyə sərhədinin açılması region üçün əlamətdar hadisə olacaq”
Tarix: 10-04-2024 18:01 | Bölmə: Siyasət
Paşinyan: “Ermənistan-Türkiyə sərhədinin açılması region üçün əlamətdar hadisə olacaq”

Ermənistan-Türkiyə sərhədinin açılması region üçün epoxal hadisə olacaq.

Reyting.az
xəbər verir ki, bunu Ermənistanın baş naziri Nikol Paşinyan parlamentdə hökumətin 2023-cü il üçün 5 illik (2021-2026) proqramının icrasına dair hesabatın müzakirəsi zamanı deyib.

Onun sözlərinə görə, bu istiqamətdə müvafiq səylər göstərilməlidir. “Burada bir sosial-psixoloji nüansa toxunmaya bilmərəm. Qeyd etmək çox vacibdir ki, mən indi Ermənistan-Türkiyə mübahisələrindən deyil, Ermənistanla Türkiyə arasındakı münasibətlərdən danışıram. Bu iki formulun ümumi xüsusiyyətləri var”.

Baş nazir xüsusilə qeyd edib ki, Ermənistanla Türkiyə arasında münasibətlər hazırda gözləmə rejimindədir. “Ermənistan əldə edilmiş və rəsmi qeydə alınmış razılaşmaların həyata keçirilməsini gözləyir. Xüsusilə, söhbət üçüncü ölkələrin vətəndaşları və diplomatik pasportu olan şəxslər üçün Ermənistanla Türkiyə arasında quru sərhədinin açılmasından gedir”.

O, təəssüf hissi ilə qeyd edib ki, müəyyən xarici oyunçular öz siyasi və ya hərbi-siyasi məqsədləri əsasında Ermənistanın yürütdüyü xarici siyasəti təhrif etməyə, regionda bölücü xətlər yaratmaq üçün saxta mülahizələr irəli sürməyə çalışırlar. “Ermənistan öz münasibətlərində çoxvektorlu, tərəfdaşlıq və şaxələndirmə siyasətinin qurulması istiqamətində kurs müəyyən edib ki, bunun da bir hissəsi təkcə Fransa, Avropa İttifaqı, bütün Aİ ölkələri ilə deyil, Hindistan və Çinlə də əlaqələrin ardıcıl inkişafıdır”, - Nikol Paşinyan əlavə edib.

O, 2023-cü ildə Səudiyyə Ərəbistanı ilə diplomatik münasibətlərin qurulmasını tarixi hadisə adlandırıb. “Müstəqilliyimiz dövründə Səudiyyə Ərəbistanı ilə diplomatik əlaqələrimiz olmayıb”, - deyə baş nazir bildirib.

ELÇİN




Bölməyə aid digər xəbərlər
{sape_links}{sape_article}