Bakının mərkəzində qarşıdurmaya cəhd olub: sakinlər Eldar Əzizovun qərarına etiraz edir
Tarix: 08-10-2019 21:09 | Bölmə: Siyasət
Bakının mərkəzində qarşıdurmaya cəhd olub: sakinlər Eldar Əzizovun qərarına etiraz edir

Bu gün saat 15:00-da Bakı Şəhər İcra Hakimiyyətinin (BŞİH) binası qarşısında Milli Şura və AXCP-nin icazəli piketi keçirildi.

Amma müxalif düşərgə rəhbərliyinin əvvəlcədən müəyyən edilən qaydaları pozaraq, piketə 50 nəfər deyil, daha çox etirazçının cəlb olunmasına çalışması şəhər sakinlərinin narazılığı ilə qarşılanıb.

Reyting.az-ın məlumatına görə, Gununnebzi.info saytı yazır ki, piketlə mitinqin fərqini unudan Əli Kərimli və AXCP-nin digər üzvləri sosial şəbəkələrdə çağırış edərək, mitinqlərdə olduğu kimi daha çox vətəndaşı piketə dəstək verməyə səsləyiblər. İddiaya görə, daha çox insan cəlb etməkdə gizli məqsəd olub: süni yolla polis-vətəndaş qarşıdurması yaratmaq, beynəlxalq təşkilatların diqqətini Azərbaycana cəlb etmək və bundan AXCP-nin xeyrinə yararlanmaq.

Bəzi ekspertlər iddia edir ki, AXCP rəhbərliyi şəhərin mərkəzi hissəsinə çox sayda vətəndaş səsləməklə, etirazçılar sırasına həm də ətrafdakı insanları cəlb etməyə çalışıb. Çünki bu ərazidən şəhər sakinləri daha çox istifadə edir. Eyni zamanda ərazidə ali və orta məktəblər də var. Çoxsaylı insanın əraziyə cəlb edilməsi isə polisin məcburən yolu bağlamasına səbəb ola və bu, qarşıdurmaya zəmin yarada bilərdi.

Ərazidə bəzi şəxslərin təxribatçı hərəkətlərə cəhd etdiyi də, piketin tam dinc şəraitdə keçirilməsinə mane olduğu da qeyd olunur.

Bəzi KİV-lərin yazdığına görə, müxalifət şəhərin mərkəzində, xüsusən də sıravi vətəndaşların daha çox istifadə etdiyi yerlərdə çoxluq görüntüsü yaratmaqla həm də icazəsiz yürüş keçirməyə cəhd edib.

Bildirilir ki, sosial şəbəkə vasitəsi ilə insanları etiraza səsləyən AXCP sədri Əli Kərimli və Milli Şuranın rəhbəri Cəmil Həsənli aksiyaya qatılmayıblar; Əli Kərimli aksiyanı evindən, Cəmil Həsənli isə uzaq Amerikadan izləyib.

Məlumatlarda qeyd olunur ki, AXCP və Milli Şura rəhbərliyinin piket adı ilə çoxsaylı insanı “İçərişəhər” metrostansiyasının ətrafına toplaması həmin ərazidə yaşayan sakinlərin və övladları həmin ərazidə yerləşən ali və orta məktəblərdə təhsil alan valideynlərin də narazılığına səbəb olub. BŞİH-nin qarşısında yerləşən orta məktəbdə təhsil alan şagirdlərin valideynləri gün ərzində övladlarına görə narahat olduqlarını bildiriblər. Çünki müxalifət tərəfdarları həmin əraziyə piketin müəyyənləşdirildiyi vaxtdan xeyli əvvəl, orta məktəbdə birinci növbədə dərslər bitməmiş gəliblər. Bu səbəbdən də ərazidə yaşayan sakinlər və övladları orada təhsil alan valideynlər müxalifətin bu əməlini pisləməklə yanaşı, Bakının Şəhər İcra Hakimiyyətinin başçısı Eldar Əzizovun həmin ərazidə aksiya keçirilməsinə icazə verməsinə etirazlarını bildirirlər.скачать dle 10.5фильмы бесплатно




Bölməyə aid digər xəbərlər
{sape_links}{sape_article}