Deputat: “Saxta soyqırımın tanınmasının hüquqi məsuliyyəti yoxdur”
Tarix: 31-10-2019 14:54 | Bölmə: Siyasət
Deputat: “Saxta soyqırımın tanınmasının hüquqi məsuliyyəti yoxdur”

“Hazırda ABŞ-Türkiyə münasibətlərində xoşagəlməz problemlər var. Bunun səbəbi Suriyadakı hadisələrdir. Çox təəssüflər olsun ki, ABŞ Konqresi haqsız və siyasətə aidiyyəti olmayan tarixi məsələlərlə məşğul olur. Görünən budur ki, ABŞ-Türkiyə münasibətlərindən erməni lobbisi məharətlə istifadə edir”.

Bu fikirləri Demokratik İslahatlar Partiyasının sədri, deputat Asim Mollazadə Reyting.az-a ABŞ Konqresinin aşağı palatasının saxta erməni soyqırımı ilə bağlı qanun layihəsini qəbul etməsindən danışarkən deyib.

Mollazadə əlavə edib ki, Konqresin aşağı palatasının saxta soyqırımı və sanksiyalar haqqında layihəsi təkcə Türkiyəyə qarşı deyil: “Bu qərarlar eyni zamanda ABŞ-ın maraqlarına zərbədir. Bu, uzun illərdir ABŞ-ın Yaxın Şərq bölgəsində ən etibarlı müttəfiqinə qarşı atılan addımdır. Bu xoşagəlməz vəziyyəti ABŞ Prezidenti dəyişə bilər. Ümidvaram ki, Prezident Tramp öz səlahiyyətlərindən istifadə edərək düzgün qərar verəcək və Konqresin səhv qərarının qarşısı alınacaq”.

A. Mollazadə bildirib ki, əslində saxta soyqırımı haqqında qanun layihəsi ABŞ tərəfindən qəbul edilsə belə, bu, vəziyyəti dəyişməyəcək: “Heç nə olmayacaq. Əslində bu qərarın və qərar şəklində saxta soyqırımın tanınmasının heç bir hüquqi məsuliyyəti yoxdur. Əvəzində bu, iki müttəfiq ölkənin münasibətlərinə ciddi zərbə olacaq və ortada inam itəcək. Məhz bu səbəbdən də, düşünürəm ki, bu prosesin qarşısını ABŞ lideri almalıdır. Beləcə, münasibətlərdə yaranan problemin dərinləşməsi dayandırılmalıdır. Vurğulayım ki, saxta soyqırımı tanısalar belə, ermənilər bundan hüquqi baxımdan heç nə əldə edə bilməyəcək”.

Xatırladaq ki, rəsmi Ankara ABŞ Konqresinin aşağı palatasının qəbul etdiyi bu qanun layihəsini tənqid edib və bildirib ki, buna lazımi formada cavab veriləcək.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}