“Arif Hacılı Müsavatı nüfuzdan salır” - Keçmiş müavin
Tarix: 05-11-2019 10:09 | Bölmə: Siyasət
“Arif Hacılı Müsavatı nüfuzdan salır”

“Arif Hacılı bir neçə gün öncə “BBC-Azərbaycan”a verdiyi müsahibəsində məni “ictimaiyyətlə əlaqələr işinin öhdəsindən gələ bilməməkdə” ittiham edib. Müsahibəni izləməmişdim. Əgər dostlar deməsəydi, heç xəbərim də olmayacaqdı.

Arif Hacılını yaxşı tanıdığım üçün əlinə fürsət düşmüşkən məni ittiham etməsinə qətiyyən təəccüblənmədim”.

Reyting.az
xəbər verir ki, bunu Müsavat Partiyasının başqanı Arif Hacılının keçmiş müavini, hazırda ABŞ-da yaşayan Elman Fəttah özünün “Facebook” səhifəsində yazıb.

“Arif Hacılı Müsavatı nüfuzdan salır”
E. Fəttah

Keçmiş müavin əlavə edib ki, onu təəccübləndirən “BBC Azərbaycan”ın haqqında deyilən ittihamlarla bağlı onun reaksiyasını öyrənməməsi, ittihamların üzərindən sükutla keçməsidir:

“BBC bu ittihama ya məndən cavab soruşmalı idi, ya da cavab haqqı tanımaq istəmirdisə, o zaman ittihamı efirə verməməliydi”.

Özünün ittiham olunmasına gəldikdə, E. Fəttah bildirib ki, A. Hacılı jurnalistin Müsavat Partiyasında nepotizm görüntüsü haqda sualından yayınmaq üçün heç əlaqəsi olmadğı halda onun müavini olduğum zaman işimin öhdəsindən gəlmədiyim haqda yalanına keçid edib: “Hansı ki, səslənən sualla mənim müavinliyimi əlaqələndirmək çox yersiz görünürdü. Həqiqət isə belədir: Müsavat Partiyasının başqan müavini olduğum 3 il ərzində Arif Hacılıdan fəaliyətimlə əlaqədar ancaq təqdir eşitmişəm. İstefa ərizəmi təqdim etdikdən sonra belə, geri götürməyimi israrla xahiş edib. Bu israrını da işimin öhdəsindən yaxşı gəldiyimə xüsusi vurğu qoymaqla əsaslandırıb. Təbiətim etibarı ilə üzərimə düşən istənilən məsuliyyəti mümkün qədər ən yaxşı şəkildə yerinə yetirməyə çalışan şəxsəm. Baxmayaraq ki, Arif Hacılının ictimaiyyət arasında möhkəm antipatik imici var, mən yenə də çalışırdım bunun partiyaya mənfi təsirini azaldım. Hətta bəzən partiyanın nüfuzunu, məhz partiya başqanının yöndəmsiz açıqlamalarından necə qorumaq haqda baş sındırmalı, əmək sərf etməli olurduq”.

E. Fəttah sonda təəssüflə qeyd edib ki, A. Hacılının antipatik imici partiyanın nüfuzunun artmasını əngəlləyir: “Bu, əsas problem kimi hələ də qalır və burada Arif Hacılının başqa xüsusiyyətləri ilə yanaşı belə yalanları da mühüm rol oynayır. Əlbəttə ki, Müsavatın bu qədər əlverişsiz vəziyyətdə olmasına görə özümü də məsuliyyətli hiss edirəm”.

Reyting.az A. Hacılının məsələyə münasibətinə yer ayırmağa hazırdır.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}