Asim Mollazadə: “Təcavüzkara qarşı ciddi tədbirlər görülmür və bu...”
Tarix: 03-07-2020 21:46 | Bölmə: Siyasət
Asim Mollazadə: “Təcavüzkara qarşı ciddi tədbirlər görülmür və bu...”

“Fransa və Türkiyə arasında yaşanan gərginlik əsasən Liviya sahəsində baş verir və bu maraqlardan doğur. Diqqət edirsinizsə, Avropanın digər ölkəsi İtaliya Liviya məsələsində Türkiyə ilə eyni mövqeyi bölüşür. Fransa isə tam fərqli mövqedədir. Bunun əsas səbəbləri ola bilsin ki, bu ölkələrin iqtisadi maraqlarının fərqli olmasından qaynaqlanır”.

Bu fikirləri Reyting.az-a Milli Məclisin deputatı, siyasi təhlilçi Asim Mollazadə son günlər gərginləşən Ankara-Paris münasibətlərini şərh edərkən deyib.

Mollazadə xatırladıb ki, Türkiyə Liviyada BMT tərəfindən tanınan legitim hökuməti dəstəkləyir: “Yəni Ankara Liviyada üsyançılara dəstək vermir.

Məsələnin ikinci tərəfi odur ki, bu məsələ dəfələrlə Avropa Birliyində müzakirə olunub. Xəlifə Haftarın nəzarət etdiyi Liviyanın şərq hissəsində insan hüquqlarının kobud sürətdə pozulması, törədilən cinayətlər hal-hazırda araşdırılır. Fikrimcə, Fransa da bu məsələnin araşdırılmasında ciddi iştirak etməli və Avropa Birliyinin dəyərlərini müdafiə etməlidir. Beynəlxalq hüquqa görə, Liviyanın rəsmi hakimiyyəti Tripolidə fəaliyyət göstərən hökumətdir”.

Deputat əlavə edib ki, Şərqi Aralıq dənizində türk və fransız donanmasına aid olan hərbi gəmilərlə bağıl gərginlik ölkələr arasında münasibətləri bir qədər də pisləşdirib: “Bütün bunlar əslində xoşagəlməz hadisələrdir. Bu kimi halları ciddi araşdırıb qarşısını almaq lazımdır”.

Türkiyə-Fransa münasibətlərində daima belə ziq-zaqların olduğuna diqqət çəkən Mollazadə qeyd edib ki, dünyada haqq və ədaləti əldə etmək, bəyan olunan dəyərləri müdafiə etmək üçün hələ çox işlər görülməlidir: “Biz bunu öz misalımızda da görə bilirik. Azərbaycana təcavüz edən Ermənistana sanksiyaların tətbiq edilməməsi öz-özlüyündə hər şeyi göstərir. Düzdür, Azərbaycanın ərazi bütövlüyü məsələsinə dair qətnamələrdə beynəlxalq hüquq normalarına hörmət ifadə olunur. Amma təcavüz edən ölkəni sülhə məcbur etmək üçün ciddi tədbirlər görülmür və bu, bizi məyus edir”.

Reyting.az
скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}