Deputat: “Ali Baş Komandan müharibənin sonuncu mərhələsində danışıqlara qatılıb...”
Tarix: 22-10-2020 16:34 | Bölmə: Siyasət
Deputat: “Ali Baş Komandan müharibənin sonuncu mərhələsində danışıqlara qatılıb...”

“Azərbaycan danışıqlara prinsipial razılığını ifadə edərək Moskvaya, Avropaya və ABŞ-a gedir, yəni danışıqlardan qaçmır. Amma heç vaxt öz şərtlərindən də geri çəkilmir. Mən hesab edirəm ki, bu, doğru və müdrik siyasətdir. Azərbaycan Xarici İşlər nazirinin ABŞ səfərinə də bu konteksdən baxmaq lazımdır. Cənab Prezident açıq deyir ki, Ermənistan işğal altında saxladığı ərazilərdən çıxacağını elan etsin, bununla əlaqədar Bakıya dəqiq qrafiklər təqdim etsin, bu halda danışıqlar davam edə bilər”.

Bu fikirləri Reyting.az-a Vəhdət Partiyasının sədri, deputat Tahir Kərimli “hərbi əməliyyatlar və onunla paralel aparılan danışıqlar”ı şərh edərkən deyib.

T. Kərimli bildirib ki, Azərbaycan hərbi əməliyyatlar aparmaqla yanaşı diplomatik təmaslardan qaçmadığını da nümayiş etdirir: “Beynəlxalq hüquq və müəyyən prinsiplər Azərbaycanın xeyrinə olduğundan danışıqlarda iştirak etmək olar”.

Deputat əlavə edib ki, danışıqlarda indiyə qədər yeganə narahatlıq yaradan məqam Dağlıq Qarabağın statusu ilə bağlı ola bilərdi: “Ancaq Ali Baş Komandan xarici mətbuata verdiyi müsahibəsində mövqeyini konkret ifadə edib: Dağlıq Qarabağda heç bir referendum olmayacaq. Əlbəttə, Dağlıq Qarabağla bağlı referendum bütövlükdə Azərbaycan ərazisində keçirilə bilər. Bizim belə qəti mövqeyimiz var: danışıqlarda iştirak etmək, mövqeyimizi demək, Ermənistanın dinc əhaliyə hücumu ilə bağlı faşist mahiyyətini ortaya qoymaq, bynəlxalq hüquqa hörmət və BMT Təhlükəsizlik Şurasının qətnamələrini yerinə yetirmək. Azərbaycan tərəfi danışıqlarda bu məqamlara diqqət edir”.

T. Kərimli sonda əlavə edib ki, müharibə gedən bir dövrdə Ali Baş Komandanın danışıqlarda iştirakı doğru olmazdı: “Ali Baş Komandan müharibənin sonuncu mərhələsində danışıqlara qatılıb diplomatik masada düşmənə şərtlərini diktə etməli və qəbul etdirməlidir. Amma unutmayaq ki, proseslər sürətlə gedir”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}