Səfirliyimizə hücumun arxasında hansı terror təşkilatı dayanır: ASALA yoxsa SEPAH?
Tarix: 27-01-2023 13:53 | Bölmə: Siyasət
Səfirliyimizə hücumun arxasında hansı terror təşkilatı dayanır: ASALA yoxsa SEPAH?

Azərbaycanın Tehrandakı səfirliyinə silahlı hücum tamamilə siyasidir və buna görə məsuliyyəti birbaşa molla rejimi daşıyır.

İranda etiraz aksiyalarının davam etdiyini nəzərə alsaq məntiqlə İranda nəinki odlu silah, heç soyuq silah belə daşımaq mümkün olmamalıdır. Lakin səfirliyə hücum edən şəxs İranın paytaxtı Tehranda səfirlik binasının önünə qədər “Kalaşnikov” markalı avtomat ilə gəlsə də, hüquq-mühafizə və ya təhlükəsizlik qüvvələri tərəfindən yoxlanılmır.

Digər tərəfdən, hücum edən şəxs “Kalaşnikov” markalı avtomat silahla mühafizə postunu yarıb xidmət rəisini qətlə yetirib, iki nəfər mühafizə əməkdaşını yaralayıb. Bu, terrorçunun xüsusi təlim keçmiş biri olduğunu deməyə əsas verir. Mümkündür ki, həmin şəxsin SEPAH ilə birbaşa əlaqəsi var.

Molla rejiminin ASALA cəhdi

İran tərəfi öncə hadisəni törədən şəxsin erməni olduğuna dair informasiya yaysa da, sonra məlum oldu ki, hadisəni İran vətəndaşı Yasin Hüseynzadə törədib.

Molla rejimi hadisəni Ermənistan-Azərbaycan gərginliyinə yönəldərək məsuliyyətdən yayınmağa çalışacaqdı. Xüsusilə səfirliyimizə hücumun tarixinin 27 yanvar olması ilə rejim hadisənin ASALA terror təşkilatı tərəfindən törədildiyini əsaslandırmağa çalışıb.

Qeyd edim ki, 1973-cü il 27 yanvar tarixində ASALA terror təşkilatının üzvü Qurgen Yanikyan ABŞ-da türk səfir Mehmet Baydar və Bahadır Dəmiri Santa Barbaradakı Baltimore otelinə dəvət edib və orada terror həyata keçirib.

Səfirliyimizdəki terrorun İran vətəndaşı Yasin Hüseynzadənin törətdiyi aşkarlanmasaydı, mümkündür ki, bu hadisənin məsuliyyətini ASALA terror təşkilatı üzərinə götürərdi. Nəticə etibarilə İran rejiminin bu ucuz planı iflasa uğradı. Bu hadisənin məsuliyyətini bir başa İran hakimiyyəti daşıyır.

Bakının səfirlik həmləsinə, Tehranın silahla cavabı

Hadisənin molla rejiminin sifarişi ilə həyata keçirildiyini təsdiqləyən bir nüans da yanvarın 16-18-də Bakıda İsrailin Avrasiya ölkələrindəki səfirlərinin Xarici İşlər Nazirliyinin mərkəzi aparatının yüksək vəzifəli şəxslərinin iştirakı ilə görüş keçirilməsi və Muxtar Məmmədovu Azərbaycan Respublikasının İsrail Dövlətində fövqəladə və səlahiyyətli səfiri təyin edilməsindən heç də uzun olmayan müddət sonra baş tutmasıdır.

Aydın məsələdir ki, rəsmi Bakı İranın sərgilədiyi ermənipərəst mövqe və təhdidlərinə cavab olaraq İsraildə səfirlik açmaq qərarı verib. Bununla Azərbaycan İrana ondan çəkinmədiyini və nə qədər qərarlı olduğunu göstərib.

Bu gün Tehrandakı səfirliyimizə hücumla İran demək istəyir ki, Azərbaycan-İsrail münasibətlərinin inkişafı və Bakının İsraildə səfirlik açması ilə barışmayacaq. Görünür, rəsmi Tehran bununla həm də səfirlik açılacağı təqdirdə başda İsrail olmaqla digər ölkələrdəki səfirliklərimizə də mümkün hücumların ola biləcəyi mesajını verir.

Bakının cavabı necə olmalıdır?


Azərbaycanın İrandakı səfirliyinə edilən hücum hər şeydən öncə diplomatların və diplomatik binaların təhlükəsizliyinin təmin edilməsi ilə bağlı Vyana Konvensiyasının kobud şəkildə pozulmasıdır. Hadisənin molla rejimi tərəfindən törədildiyi aşkarlanarsa və rəsmi şəkildə elan edilərsə, bu, müharibə səbəbidir.

Rəsmi Bakı ilk növbədə Vyana Konvensiyasının kobud şəkildə pozulmasını əsas gətirib İrana sərt nota verməlidir. Hadisə ilə bağlı araşdırmanın nəticəsindən asılı olaraq diplomatik korpusumuz geri çağırıla bilər.

Turan Rzayev




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}