12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Təhlükəli ssenari... - Onun reallaşması regional müharibə ilə nəticələnə bilər
Tarix: 17-04-2024 14:24 | Bölmə: Slayd
Təhlükəli ssenari... - Onun reallaşması regional müharibə ilə nəticələnə bilər

İranın İsrailə son hücumu Yaxın Şərqdə gərginliyi artırsa da, münaqişənin regiona yayılma təhlükəsi ilə bağlı narahatlıqlar hələ oktyabrın 7-dən başlayıb. Bütün dünya İsrailin mümkün addımını gözlədiyi bir vaxtda rəsmi Tel-Əvivin qarşısında üç seçimin olduğu bildirilir.

Reyting.az
-ın xəbərinə görə, İsrailin İranın cavab tədbirinə qarşı müdafiə əməliyyatını dəstəkləyən ABŞ bəyan edib ki, İsrailin mümkün cavabına qarşıdır.

İsrailin İrana qarşı reallaşdıra biləcəyi üç mümkün ssenarinin olduğu iddia edilir və bunlar aşağıdakılardır:

Birinci ssenari

İsrail qarşısında birinci variant İranın cavab tədbirinə cavab verməməkdir. Bu variantın reallaşmasında ən böyük pay ABŞ-nin İsrailə təzyiqləri üzərinə düşür.

İranın 13 aprel hücumundan sonra ABŞ prezidenti Co Bayden İsrailin müdafiəsinə dəstəyini davam etdirəcəklərini ifadə etsə də, bunun ardınca İsrailin baş naziri Binyamin Netanyahuya “əks-hücumda sizinlə olmayacağıq”, - mesajı verilib. O vaxtdan bəri ABŞ administrasiyası İsraili 300-dən çox pilotsuz təyyarə və raketlə hücumun qarşısını almağı qələbə kimi dəyərləndirməyə və yeni hücuma keçməməyə çağırır.

Bayden administrasiyası Tehrana qarşı diplomatik cavab istəsə də, ABŞ müdafiə naziri Lloyd Oustin israilli həmkarı Yoav Gallant ilə telefonda danışdığı və ABŞ-nin İsrailə hücum etməməyə çağırdığı bildirilir. Lakin İsrailin sərt bəyanatları Tel-Əviv rəhbərliyinin bu varianta diqqət yetirmədiyini göstərir.

İkinci ssenari

Tel-Əviv administrasiyası üçün başqa bir variant İran ərazisini birbaşa hədəfə almaq əvəzinə, Tehranın Suriya, İraq və Livan kimi ölkələrdəki müvəkkil qüvvələrinə hücum edərək cavab tədbirlərinin əhatə dairəsini məhdudlaşdırmaqdır. Amerikanın NBC telekanalına danışan ABŞ müdafiə rəsmiləri İsrailin bu variantı ciddi şəkildə nəzərdən keçirdiyi qənaətindədir. ABŞ tərəfi bildirir ki, İsrail rəsmiləri ilə əvvəlki görüşlərində bu istiqamətdə addım atılacağına dair siqnallar verilib.

ABŞ rəsmiləri həmçinin bütün müttəfiqlərinin İsraili regional müharibəyə başlamaması ilə bağlı xəbərdar etdiyini bildirib və bunun əksinə hər hansı bir cəhdin İrana qarşı müdafiə cəbhəsində çatlara səbəb olacağı kimi qiymətləndirilib.

Qeyd edək ki, əvvəllər Yaxın Şərqdə İranın dəstəklədiyi milis qüvvələrini vuran İsrail ordusu indi İranın ən böyük dəstəkçisi olan Livan “Hizbullah”ının mövqelərini də tez-tez hədəfə alır. Elə dünən də İsrail ordusu “Hizbullah”ın Livanın cənubundakı mövqelərinə hava zərbəsi endirib.

Üçüncü ssenari

İsrail-İran gərginliyində ən qorxulu ssenari Tel-Əviv rəhbərliyinin birbaşa İranı hədəfə almasıdır. İranın “mümkün hücuma eyni şəkildə cavab veriləcək”, - bəyanatları nəzərə alınsa, bu, regional müharibəyə səbəb ola bilər.

Netanyahu hökumətinin müdafiə naziri Gallant və ona yaxın ordu nümayəndələri İrana cavab verəcəklərini bildirir, baş nazirə xüsusi təsirləri olan maliyyə naziri Bezalel Smotrix və ictimai təhlükəsizlik naziri İtamar Ben Qvir kimi ifrat sağçılar isə İrana qarşı radikal mövqe sərgiləyirlər.

E. KAMAL




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}