QAT sədri: "Qarabağ naminə siyasi ambisiyalardan əl çəkməliyik"
Tarix: 29-08-2019 16:29 | Bölmə: Slayd
QAT sədri: "Qarabağ naminə siyasi ambisiyalardan əl çəkməliyik"

"Qarabağ probleminin həllində bütün siyasi qüvvələr, eləcə də cəmiyyət vahid mövqedə olmalıdır. Əgər düşmənə qalib gəlmək istəyiriksə, bütün gücümüzü səfərbər edib, vahid qüvvə kimi hücuma keçməliyik".

Bu fikirləri Reyting.az-a açıqlamasında Qarabağ Azadlıq Təşkilatının (QAT) sədri Akif Nağı səsləndirib.

A. Nağının sözlərinə görə, Qarabağ münaqişəsinin həlli üçün ictimai-siyasi müstəvidə Azərbaycan üstün mövqedədir. 90-cı illərdə isə bunun əksi baş verib, ölkədəki siyasi qüvələr hakimiyyətlə barışmaz münasibətdə olublar. QAT sədri qeyd edib ki, hətta Əbülfəz Elçibəyin Prezidentliyi dönəmində ölkədə hərbi müxalifət də yaranmışdı, aparıcı müxalifət qüvvələrindən biri də hərbi müxalifətin yanında dayanmışdı: "Onların hərəkətləri sonda qiyama gətirib çıxardı. Həmin dövrlə indini müqayisə etdikdə, bu gün Azərbaycanda siyasi qüvvələrin böyük əksəriyyəti, hətta deyərdim ki, hamısı Qarabağ məsələsində eyni mövqedədirlər. Ən azından arxadan zərbə vurmayacaqlarını bəyan edirlər, kiminsə əlində alətə çevrilməyəcəklərini deyirlər. Yəni, bu cəhətdən də şərait əlverişlidir”.

A. Nağı bildirib ki, artıq cəmiyyətdə bir durulma prosesi gedib: “Ona görə də düşünürəm ki, əgər Qarabağ məsələsinin həlli ərəfəsində hansısa qüvvə arxadan zərbə vurmaq istəsə, xalq tərəfindən cavabını alacaq”.

A. Nağı bir daha diqqətə çatdırıb ki, Qarabağ Azadlıq Təşkilatı olaraq bütün sağlam qüvvələri, şəhid ailələrini, qaziləri, veteranları və bu kimi şəxslərin toplandığı təşkilatları Qarabağ uğrunda bir araya gətirməyə hazırdırlar: “Əslində, bu istiqamətdə proses gedir. Belə bir koalisiyanın yaranması cəmiyyətin vahid mövqedə olması üçün zəruridir. Siyasi ambisiyaları, daxili çəkişmələri bir kənara qoymaq lazımdır. Belə bir birlik yaranarsa, cəmiyyətdə siyasi qarşıdurmaya imkan verməz. Odur ki, baş verən prosesləri doğru hesablayıb, təhili edib qəti qərar verməliyik. Qarabağ münaqişəsinin həlli, ərazilərin işğaldan azad edilməsi üçün bundan başqa yol yoxdur".

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}