Baş nazir dəyişikliyi birmənalı qarşılanmır - Rəylər
Tarix: 08-10-2019 17:57 | Bölmə: Slayd
Baş nazir dəyişikliyi birmənalı qarşılanmır

Bu gün Azərbaycanın Baş naziri Novruz Məmmədov istefa verib. Onun yerinə Prezidentin iqtisadi məsələlər üzrə köməkçisi Əli Əsədov təyin edilib.

Baş verən dəyişikliyi ölkə müxalifəti birmənalı qarşılamır. Ədalət Partiyasının sədr müavini Mütəllim Rəhimli Reyting.az-a deyib ki, Konstitusiyaya görə, hakimiyyət bölgüsü aparılsa da, çox təəssüf ki, bir sıra qurumların rəhbərləri öz səlahiyyətlərini lazımi qaydada yerinə yetirə bilmirlər. Onun sözlərinə görə, bu sıraya ölkənin Baş naziri də daxildir:

Baş nazir dəyişikliyi birmənalı qarşılanmır
Mütəllim Rəhimli: “Adı Eldar Mahmudov işində hallandırılan şəxsin Baş nazir təyin olunması...”

"Konstitusiyaya sonuncu dəyişiklikdən sonra Baş nazirin səlahiyyətlərinin böyük qismi əlindən alındı. Əslində, bu vəzifə artıqdır və ölkə Prezidenti icra hakimiyyətinin başçısı səlahiyyətlərini də yerinə yetirir. Səlahiyyətləri kifayət qədər azaldılmış, ölkə həyatına təsir imkanları məhdud, nazirlərin təyinatında demək olar ki, heç bir rolu olmayan Baş nazirin kim olması heç nəyi dəyişdirə bilməz. İndiki halda Baş nazirin dəyişdirilməsi Novruz Məmmədovun öz işinin öhdəsindən gələ bilməməsi ilə izah olunmamalıdır. Dediyim kimi, onsuz da Baş nazir nəyisə həll etmir. Burada tamamilə başqa nüanslar ola bilər. Çünki adı Eldar Mahmudov işində hallandırılan şəxsin Baş nazir təyin olunması xeyli təəccüblüdür. Yaxın günlərdə yəqin ki, məsələnin bütün detalları aydınlaşacaq".

Baş nazir dəyişikliyi birmənalı qarşılanmır
Natiq Cəfərli: “Ölkənin “sinir sistemi” iflic vəziyyətdədir”

ReAL Partiyanın icra katibi Natiq Cəfərli isə bildirib ki, istənilən ölkədə ciddi kadr dəyişikliyi olanda, hətta hakim partiya özü “kabinet dəyişikliyinə” gedəndə bu, mütləq öncədən izah olunur, işdən çıxarılma səbəbləri haqqında diskussiya aparılır, yeni gələn öz plan və proqramını açıqlayır, amma Azərbaycanda belə deyil:

"İstənilən ölkədə Baş nazir postunu tutan şəxs dəyişdiriləndə dövlətin “toxumaları", “sinir sistemi” buna reaksiya verir: Mütləq qiymətli kağızlar bazarında dalğalanma olur, milli valyuta bu dəyişikliyə uyğun hərəkət edir, iqtisadi institutların təyinatla bağlı reaksiyaları aydın görünür. Bizim ölkədə isə elə bir anlaşılmaz, izahedilməz sistem formalaşıb ki, Baş nazir və ya ciddi nüfuza, səlahiyyətlərə malik nazirlər dəyişdirilir, amma ölkənin “sinir sistemi”ndə bir tık yox, rəsmi izah yox, diskussiya yox, yeni gələnin plan və proqramı yox, gedənin səhvlərinin analizi yox – bir sözlə, ölkənin “sinir sistemi” iflic vəziyyətdədir deyə, reaksiya yoxdur. İnstitutlaşmamış ölkələrin ən zəif nöqtəsi də məhz orqanizmdə çürümənin getməsidir. Toxumalar çürüyüb, reaksiya kütləşib, amma “cərrahiyyə əməliyyat” əvəzinə “orqanizmə” ancaq “aspirin” verirlər. Belə ölkələr heç vaxt sabit ola bilməz. Çünki, sabitlik sağlamlıq anlayışından doğur, belə ölkələrdə isə “pasientin” vəziyyəti sabit-ağır olaraq qala bilər".

Baş nazir dəyişikliyi birmənalı qarşılanmır
Əli Orucov: “Azərbaycanda Baş nazir formaldır”

AMİP Siyasi Şurasının üzvü Əli Orucov isə Reyting.az-a deyib ki, Baş nazirin belə tezliklə dəyişdirilməsi gözlənilməz idi. Onun fikrincə, cəmi bir il postunda qala bilən Novruz Məmmədov elə də yadda qala bilmədi: "Verdiyi qərarlar da cəmiyyətdə etiraz və yumor doğurdu. Yeni Baş nazirin də pozitiv fəaliyyət göstərəcəyinə inanmıram. Əslinə qalsa, Azərbaycanda Baş nazir formaldır, nə ölkənin siyasi həyatına, nə də idarə olunmasına heç bir təsiri yoxdur. Ona görə də Baş nazir postunu kimin tutması əhəmiyyət daşımır.

Yeni Baş nazir Əli Əsədov nomenklatura adamıdır, partiyanın yetişdirdiyi və zərərsiz kadrdır. Fotolarda onun xarakteristikasını aydın ifadə etmək mümkündür. Görünür, Prezidentə Əli Əsədov kimi əzilib-büzülən, onun yanında sual işarəsinə dönən Baş nazir lazımdır".

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}