Kommunistlər Milli Məclisin buraxılmasını dəstəkləyir – Əlavə dəyişikliklər təklif olunur - Foto
Tarix: 29-11-2019 13:49 | Bölmə: Slayd
Kommunistlər Milli Məclisin buraxılmasını dəstəkləyir – Əlavə dəyişikliklər təklif olunur

“Yeni Azərbaycan Partiyasının qanunverici hakimiyyət sferasında dəyişiklik etmək məqsədi ilə Milli Məclisin buraxılması təşəbbüsünün düzgünlüyünü mövcud şərait tamamilə təsdiq edir. Milli Məclis xalqın gücünə arxalanmalı və onun iradəsinin açıq və yaxın orqanına çevrilməlidir. Parlament xalqın ən layiqli nümayəndələrindən ibarət olmalı, deputatların hörməti və fəallığı, seçicilər qarşısında məsuliyyəti xüsusi əhəmiyyət kəsb etməlidir. Parlamentin tərkibi xalqın bütün təbəqələrini əhatə etməlidir”.

Bu sözləri Reyting.az-a açıqlamasında Azərbaycan Kommunistlər Birliyinin rəhbəri Ədalət Abdinov YAP-ın Siyasi Şurasının parlamentin buraxılması ilə bağlı tövsiyəsindən danışarkən deyib.

Ə. Abdinov bildirib ki, səlahiyyətlərini və vəzifələrini düzgün yerinə yetirməyə borclu olduğu halda, fəaliyyətinin həyata keçirilməsi üçün nəzərdə tutulan hüquqi və sosial təminatlardan sui-isifadə edən deputatlar da az deyil: “Hətta bunların arasında elələri var ki, qanunvericilik təşəbbüsünü həyata keçirmək səriştəsı yoxdur. Seçicilərin müraciətini araşdırmaq əvəzinə, şəxsi məqsədləri üçün deputat sorğusundan gen-bol isifadə edəndən nə gözləmək olar? Bəziləri istisna olmaqla, deputatların seçicilərlə apardığı iş çox aşağı səviyyədədir. Eyni zamanda deputatlar arasında seçicilərlə mütəmadi əlaqə saxlamayanlar da var”.

Kommunistlər Milli Məclisin buraxılmasını dəstəkləyir – Əlavə dəyişikliklər təklif olunur
Ə. Abdinov

Ə. Abdinovun sözlərinə görə, Milli Məclisin müzakirə etdiyi məsələlərə dair fikrini bildirə bilməyən, heç bir təklif və qeydləri olmayan deputatlar var ki, onları heç ictimaiyyət də tanımır: “Ehtiyac olarsa, yeni qanun və ya qərar layihəsinin qəbul olunmasını, qüvvədə olan qanuna və ya qərara dəyişikliklər və əlavələr edilməsi haqqında layihə, qüvvədə olan qanunun və ya qərarın ləğv edilməsi haqqında layihə təklif edə bilməyən deputata parlamentdə yer olmamalıdır”.

Kommunistlərin rəhbəri qeyd edib ki, Milli Məclis və onun aparatının saxlanılması üçün büdcədən ayrılan vəsait azaldılmalı, lüzumsuz xərclərin qarşısı alınmalıdır:

“Fikrimcə, qanunla müəyyən edilmiş deputatın toxunulmazlığı hüququ da ləğv edilməlidir. Deputata bu cür əlahiddə hüquq vermək onu seçicidən əsassız olaraq fərqləndirməkdir.

Deputatın maddi təminatı ilə bağlı şişirdilmiş güzəştlər vardır. Ümid edirəm ki, parlamentin yeni üzvlərinin hər ay vəzifə maaşı, vəzifə maaşına əlavə və deputatlıq səlahiyyətlərinin yerinə yetirilməsi ilə əlaqədar xərclərin ödənilməsi üçün vergilərdən azad olunan pul təminatı ləğv ediləcəkdir. Məzuniyyətdə olduğu zaman deputata müalicə olunması və istirahət etməsi üçün onun iki aylıq vəzifə maaşı məbləğində müavinət verilməsi vətəndaşların hazırki sosial durumu ilə müqayisədə əsassız güzəştdir. Deputatın nümayəndəlik səlahiyyətlərini yerinə yetirməsinə görə hər il özünün iki aylıq vəzifə maaşı məbləğində müavinət alması büdcəyə vurulan zərərdən başqa bir şey deyildir. Deputatların şişirdilmiş aylıq vəzifə maaşı xalqda haqlı narazılıq doğurur”.

Ə. Abdinov dövlət büdcəsi hesabına saxlanılan deputat köməkçisi ştatının ləğvini də zəruri sayır: “Sağlam, enerjili deputat işinin öhdəsindən gəlməlidir, köməkçiyə heç bir ehtiyacı olmamalıdır. Deputatın seçicilərindən ictimai əsaslarla köməkçisi olsa, daha faydalıdır.

Əgər YAP-ın təşəbbüsü baş tutsa, inanmaq istərdik ki, yeni parlament aparıcı qüvvə kəsb edəcək və mövqelərini daha da möhkəmləndirəcəkdir. “Kağız demokratiyası”ndan həqiqi demokratiyaya keçməyin vaxtıdır. Milli Məclisin fəaliyyətində əhalinin iştirak etməsinin təşkilat formaları genişləndirilməli və təkmilləşdirilməlidir. Yeni parlament tamamilə seçicilərin nəzarəti altında fəaliyyət göstərməlidir”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}