33 türk əsgərinin öldürülməsi dünyanı qarışdırır: ABŞ Rusiya və İranı ittiham edir, ruslar “biz vurmadıq” deyir
Tarix: 28-02-2020 10:38 | Bölmə: Slayd
33 türk əsgərinin öldürülməsi dünyanı qarışdırır: ABŞ Rusiya və İranı ittiham edir, ruslar “biz vurmadıq” deyir

Bu gecə İdlib istiqamətində türk ordusunun 33 şəhid verməsi beynəlxalq səviyyədə Türkiyənin müttəfiqlərinin siyasi-diplomatik təmaslarına səbəb olub.

Reyting.az
xatırladır ki, bu gecə İdlib istiqamətində türk ordusu 33 şəhid verib. Bəşər Əsəd rejimi, İran tərəfindən dəstəklənən silahlı qruplar və Rusiya aviasiyası türk ordusunun həmləsinə qarşı var gücü ilə ortaya müqavimət qoyublar. Nəticədə 33 türk əsgəri şəhid olub, 30-a yaxın əgər yaralanıb.

Hadisədən dərhal sonra Türkiyə Prezidenti Rəcəb Təyyub Ərdoğanın sədrliyi ilə Təhlükəsizlik Şurasının iclası keçirilib.

İclasdan sonra Türkiyənin müdafiə naziri Hulisi Akar, Quru qoşunları komandanı Ümit Dündar və Hava qüvvələri komandanı Həsən Küçükalyüz Suriya ilə sərhəddə gedib. Hataya gələn generallar burada II Ordunun komandanı Sinan Yayladan son hadisələrlə bağlı informasiya alıb və atılacaq addımları yerindəcə qiymətləndiriblər.

Müdafiə naziri deyib ki, Rusiya tərəfi ilə müzakirələr davam edir və ümid edirlər ki, tərəflər İdlib probleminin həlli üçün cəhdlər göstərib münasib nəticəyə gələcəklər.

General Akar əlavə edib ki, ABŞ müdafiə naziri Mak Esperlə danışıqlar və müzakirələr aparacaq, tərəflərin telefon vasitəsilə danışıqları planlaşdırılıb.

Dünən İdlibdə baş verənlər NATO-nun 5-ci maddəsini də gündəmə gətirib. Qeyd edək ki, NATO-nun 5-ci maddəsinə görə, NATO müttəfiq ölkələrindən birinə edilən hücum NATO-ya edilən hücum hesab olunur.

Dünən türk ordusu İdlibdə Bəşər Əsəd qüvvələri və İran tərəfindən dəstəklənən silahlı qruplarla savaş aparanda və rus aviasiyası tərəfindən hücuma məruz qalması ilə paralel olaraq İsrail qırıcıları havaya qalxaraq Suriyanın şimalındakı Kumeytrada Bəşər Əsəd qüvvələrinin hədəfinə zərbələr endirib.

İdlibdə Türkiyənin 33 əsgərinin şəhid olmasından sonra ABŞ Dövlət Departamenti xüsusi açıqlama ilə çıxış edib.

“İdlibdə türk əsgərlərinin itkiləri ilə nəticələnən hücumdan çox narahatıq. Əsəd rejimi, Rusiya və İran tərəfindən dəstəklənən güclərin alçaq hücumlarına dərhal son verməlidir. Türkiyənin bu böhrandan ən yaxşı formada dəstəkləyə biləcəyimizə dair variantlara baxırıq”,- Dövlət Departamenti bəyan edib.

Dövlət Departamenti əlavə edir ki, Türkiyə məqamları ilə təmas halındadır.

ABŞ-ın Cənubi Koralina ştatının respublikaçı senatoru Lindsey Qarham isə ABŞ prezidenti Donald Trampa və beynəlxalq ictimaiyyətə “İdlibə uçuşların qadağan edilməsinə” dair çağırış edib.

“Dünya heç nə etmədən İdlibin Bəşər Əsəd, İran və Rusiya tərəfindən yox edilməsini izləyir”,- Senator bəyan edib.

Rusiya Müdafiə Nazirliyi də İdlibdə öldürülən 33 türk əsgəri ilə bağlı açıqlama yayıb.

Rusiya Müdafiə Nazirliyi bəyan edib ki, Türkiyə Rusiyaya həmin bölgədə əsgərlərinin olub-olmadığına dair informasiya verməyib: “Suriya müxalifəti bu bölgədə böyük hücum hazırlayırdı. Türkiyə bu bölgədə türk əsgərlərinin olduğu haqda bizə informasiya verməyib.

Hava hücumunda Rusiya təyyarəsi iştirak etməyib. Rusiya atəşkəsin davam etməsi üçün əlindən gələni edib”.

Hadisələr göstərir ki, gərginlik davam edəcək və belə getsə, Əsəd rejimi daha da təklənəcək.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}