TƏBİB AzTV əməkdaşının ölümü ilə bağlı ittihamlara cavab verdi - Video
Tarix: 02-07-2020 14:20 | Bölmə: Cəmiyyət
TƏBİB AzTV əməkdaşının ölümü ilə bağlı ittihamlara cavab verdi

Sosial şəbəkələrdə AzTV-nin əməkdaşı Samir Nemətzadə tərəfindən ölümündən az əvvəl göndərilən səsyazısı yayılıb.

Reyting.az
xəbər verir ki, S. Nemətzadə koronavirusdan dünyasını dəyişib.

S. Nemətzadə ölümündən əvvəl ailəsinə səsyazısı göndərib, müalicə aldığı xəstəxanada vəziyyətin pis olduğunu, xəstələrə yaxşı baxılmadığını bildirib:

“Vəziyyət çox pisdir. Biri ordan qışqırır, biri burdan. Tualet yoxdur, heç əl yumağa yer də yoxdur”.

Bundan başqa, həmin səsyazısında Samirin səsindən əlavə, fonda digər pasiyentlərin də öskürək, boğulma səsləri eşidilir.

Samir Nemətzadə özünün boğulduğunu və oksigen maskası olmadan nəfəs ala bilmədiyini söyləyib. Və bir neçə gündən sonra gənc həyatını itirib.

Jurnalistlər dəqiqləşdiriblər ki, S. Nemətzadə 1 saylı Kliniki Tibbi Mərkəzdə (“Semaşko”da) müalicə alıb.

Qeyd edək ki, əvvəllər bu xəstəxanadakı dəhşətli vəziyyətdən digər xəstələr də şikayətləniblər.(Virtualaz.org)



***

Ötən gün sosial şəbəkələrdə koronavirusdan dünyasını dəyişən Samir Nemətzadə ilə bağlı ittihamlara TƏBİB-in mətbuat xidmətinin rəhbəri Rəvanə Əliyeva cavab verib.

R. Əliyeva bildiririb ki, S. Nemətzadə özəl klinikalardan birində müayinə olunduqdan sonra ağır vəziyyətdə Kliniki Tibbi Mərkəzə yerləşdirilib.

Onun sözlərinə görə, S. Nemətzadə daxil olarkən pasiyentin diaqnozu kəskin respirator xəstəlik, ağır gedişli, ikitərəfli total pnevmoniya (“buzlu şüşə”), anemiya, splenomeqaliya, kəskin ağciyər, ürək çatışmazlığı olub:

"Xəstəxanaya daxil olarkən reanimasiyaya yerləşdirilən S. Nemətzadə süni tənəffüs cihazına qoşulub, lakin göstərilən səylərə baxmayaraq, 40 dəqiqə sonra bioloji ölüm baş verib".

Qeyd edildiyi kimi, pasiyent reanimasiya şöbəsinə yerləşdirildiyindən, həmin şöbədə su və sanitar qovşağın mövcud olmaması reanimasiya şöbəsinin şərtlərinə uyğundur.(APA)

Reyting.az




Bölməyə aid digər xəbərlər
{sape_links}{sape_article}