Qarabağ qazilərinin Bakı Nəqliyyat Agentliyi ilə bağlı müraciəti yayıldı - Fotolar
Tarix: 11-07-2020 14:30 | Bölmə: Cəmiyyət
Qarabağ qazilərinin Bakı Nəqliyyat Agentliyi ilə bağlı müraciəti yayıldı

“Koronavirus pandemiyasına görə ölkəmizdə tətbiq edilmiş xüsusi karantin rejimi çərçivəsində ən gərgin iş qrafikində çalışmaq məcburiyyətində qalan sahələrdən biri də sərnişindaşımadır. Bu məsələdə ən böyük problemlərdən birinin həlli Bakı Nəqliyyat Agentliyinin (BNA) üzərinə düşür. Bakı Metropoliteninin bağlanması isə BNA-nın işini xüsusilə çətinləşdirir. Buna baxmayaraq, BNA və sərnişindaşıma ilə məşğul olan ayrı-ayrı şirkətlər xüsusi rejim çərçivəsində işlərinin öhdəsindən gələ bilirlər”.

Reyting.az
xəbər verir ki, bu sözlər sərnişindaşıma sahəsində çalışan Qarabağ qaziləri - Babək Aslanov, Xəlil Abbasov, Nazim Qəhrəmanov və Yusif Hüseynovun ölkə KİV-lərinə ünvanladıqları müraciət yer alıb.

Sərnişindaşıma sahəsində bəzilərinin artıq 20 ildən çox təcrübəsinin olduğunu yazan Qarabağ qaziləri bildirirlər ki, BNA əməkdaşlarının düzgün əlaqələndirməsi və gərgin iş rejimində çalışması sayəsində, bu sahədə fəaliyyət göstərən ayrı-ayrı şirkətlərin də köməkliyi ilə problem minimuma endirilir.

Bəzi şəxslərin sosial şəbəkələrdə BNA-ya yönəlmiş ittihamları ilə razılaşmayan sahibkarlar qeyd edirlər ki, artıq dünyada son bir gündə 228 mindən çox insanın yoluxduğu, yoluxanların ümumi sayı 12 milyonu ötən koronavirusla mübarizədə BNA əməkdaşları, sərnişindaşıma ilə məşğul olan sürücü və bu sahədə çalışan ayrı-ayrı şirkətlərin nümayəndələri də ön cəbhədədir: “Bu qlobal bəlaya qarşı mübarizədə öndə olan həkimlər, polislər, jurnalistlərlə yanaşı ictimai nəqliyyatı idarə edən sürücülər, bu sahədə çalışan digər şəxslər və onların ailə üzvləri də var. Bu sabəbdən də ayrı-ayrı vətəndaşlarımızdan yarana biləcək xırda problemləri anlayışla qarşılamağı, ictimai nəqliyyatda karantin rejiminin tələblərinə əməl etməyi xahiş edirik”.

Qarabağ qazilərinin Bakı Nəqliyyat Agentliyi ilə bağlı müraciəti yayıldı

Müraciətdə daha sonra deylir:

“Koronavirus pandemiyası ilə bağlı dünyanın əksər ölkələrində ciddi sosial-iqtisadi çətinliklər müşahidə olunur. Azərbaycanda isə ölkə başçısının həyata keçirdiyi sistemli tədbirlər sayəsində koronavirus pandemiyasının mənfi təsirləri az hiss olunmaqdadır. Xüsusilə iqtisadi sferada mühüm addımlar atılıb. Kiçik və orta sahibkarlığın iqtisadi dalğalanmalardan qorunması məqsədi ilə əhəmiyyətli iqtisadi paketlər işlənib hazırlanıb”.

Qarabağ qaziləri yazır ki, dövlətin bu dəstəyinə qarşılıq olaraq bu gün sərnişindaşıma sahəsində çalışan sahibkarların da üzərinə böyük məsuliyyət düşür: “Bu gün sərnişindaşıma sahəsində fəaliyyət göstərən sahibkarlıq subyekti olaraq bizim üzərimizdəki məsuliyyət daha böyükdür. Lakin tənzimləyici qurum olaraq Bakı Nəqliyyat Agentliyinin təqdim etdiyi düzgün yanaşma, şəffaf idarəetmə sistemi Bakı şəhərində sərnişindaşımanın təşkilində möcvud çağırışlara operativ reaksiya verməyimizə imkan yaradır. Məhz bu yanaşmanın nəticəsidir ki, metronun çalışmadığı iki aydan artıq müddətdə sərnişindaşıma ancaq avtobuslarla icra edildi. Hər gün maksimal sayda avtobusun xəttə çıxarılması, əlavə olaraq ehtiyat avtobusların ayrılması çox çətin bir prosesdir. Normalda bu işləri etmək üçün günlərlə vaxt sərf olunur. Həm avtobuslar hazırlanmalı, həm sürücülər təlimatlandırılmalı, həm də marşrut xətti onlara tanıdılmalıdır.

Bu gün biz, eyni zamanda həm sərnişinlərin, həm sürücülərin, həm də qarajdakı personalın sağlamlığının qorunması üçün də tədbirlər görürük. Elə bu tədbirlərin nəticəsidir ki, bu gün sürücülər və qarajda çalışan personal arasında ciddi yoluxma halı qeydə alınmayıb”.

Sahibkarlar diqqətə çatdırır ki, bu qədər insan əməyinin sərf olunmasına baxmayaraq, bəzən sosial şəbəkədə kimlərinsə rastlaşdığı hansısa kiçik problemi əsas götürərək sərnişindaşımanın təşkilinin hədəfə alması təəssüf doğurur: “Bütün bunlar Bakı Nəqliyyat Agentliyinin bu gün şəhər nəqliyyatı üçün gördüyü işlərə ləkə yaxmaqdır, insanlarda çaşqınlıq yaratmağa xidmət edən hərəkətlərdir”.

Koronavirus təhlükəsinin tezliklə arxada qalacağına, dünyanın bir parçası olan Azərbaycanın yaxın zamanlarda normal həyata dönəcəyinə inamlarını ifadə edən Qarabağ qaziləri sonda şərnişinlərə üz tutaraq böyük təhlükədən sovuşmaq və şəhər nəqliyyatının normal çalışması üçün onların da üzərinə məsuliyyət düşdüyünü bildiriblər. Bu məsuliyyət isə qaydalara düzgün əməl etməkdir. “Biz bütün qüvvəmizi səfərbər edərək, Bakı Nəqliyyat Agentliyinin müəyyənləşdirdiyi qaydada sərnişinlərimizə gündəlik yüksək xidmətimiz göstəririk. Xidmətin daha da yüksəlməsi və təhlükənin azalmasında sərinişlərin də üzərinə böyük məsuliyyət düşür”, - deyə Qarabağ qaziləri müraciətlərində yazırlar.

Qarabağ qazilərinin Bakı Nəqliyyat Agentliyi ilə bağlı müraciəti yayıldı

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}