Müxalifət Azərbaycan və Türkiyə prezidentlərinə müraciət edib
Tarix: 07-08-2020 15:31 | Bölmə: Slayd
Müxalifət Azərbaycan və Türkiyə prezidentlərinə müraciət edib

Azərbaycan Demokrat Partiyasının (ADP) qərargahında bir araya gələn müxalifət partiyaları Azərbaycan-Türkiyə hərbi əməkdaşlığınin genişləndirilməsi imkanlarını və ölkədəki mövcud vəziyyəti müzakirə ediblər.

Reyting.az
-ın məlumatına görə, ADP sədri Sərdar Cəlaloğlu Yenicag.az-a deyib ki, toplantıya qatılan partiya sədrləri Azərbaycan-Türkiyə münasibətlərinin daha da dərinləşdirilməsinin vacibliyi məsələsində həmrəylik nümayiş etdiriblər:

“Toplantıya bütün siyasi partiyalar dəvət olunsa da, Müsavat və Xalq Cəbhəsi partiyaları görüşə qatılmadılar. Gündəliyimizdəki iki əsas məsələ - Azərbaycan-Türkiyə hərbi əlaqələrinin yeni müstəviyə çıxarılması və Dağlıq Qarabağın işğaldan azad edilməsi istiqamətində ciddi müzakirələr aparıldı.

Qeyd olunan birinci məsələ ilə bağlı Türkiyə və Azərbaycan prezidentlərinə, o cümlədən, parlamentlərinə ünvanlanan on partiya sədrinin imzaladığı bəyanat qəbul etdik. Bəyanatda Türkiyə-Azərbaycan hərbi əlaqələrinin gücləndirilməsinin vacibliyi önə çəkilib. Bu, sosial sifariş kimi qiymətləndirilib. Ən vacib məsələ isə Qarabağın işğaldan məhz hərbi yolla azad edilməsidir.

Eyni zamanda, toplantıda Dağlıq Qarabağın işğaldan azad olunmasında Türkiyə hərbi qüvvələrindən istifadə edilməsi və bundan sonra problemlərimizin birgə həlli ilə bağlı təkliflər irəli sürülüb”.

S. Cəlaloğlu bildirib ki, ölkədə yaranmış ictimai-siyasi vəziyyət də müzakirə edilib: “Burada bəzi arzuolunmaz halların yarandığı, müxalifətə qarşı təzyiqlərin davam etdiyi qeyd olundu. Həmçinin hökumətin son vaxtlar atdığı bəzi addımlar da təqdir edildi”.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}