“Pfizer” və “Moderna” peyvəndlərindən ölənlərin sayı açıqlanıb
Tarix: 17-01-2021 14:24 | Bölmə: Slayd
“Pfizer” və “Moderna” peyvəndlərindən ölənlərin sayı açıqlanıb

ABŞ-ın Vaccine Adverse Event Reporting System (VAERS) Federal məlumat bazası koronavirusa qarşı peyvəndləmədən sonra ölənlərin sayını açıqlayıb.

Reyting.az
xarici KİV-ə istinadla bildirir ki, “Moderna” və “Pfizer”/“BioNTech” dərman şirkətlərinin peyvəndlərinin vurulması nəticəsində 55 nəfər həyatını itirib. Bəzi hallarda, xəstələr peyvəndlənəndən bir neçə gün sonra ölüblər.

Məsələn, Kolorado ştatında, qocalar evində yaşayan 66 yaşlı bir kişi iynədən sonra özünü yuxulu hiss edib və bütün günü yataqdan qalxmayıb. Ertəsi gün yataqda "solğun, gözləri yarı açıq və ağzı köpüklü" vəziyyətdə tapılıb. O vaxt artıq nəfəs almır, nəbzi hiss olunmayıb.



Bəzi hallarda, peyvənddən bir neçə saat sonra ölüm baş verib. Cənubi Cakota ştatında “Pfizer”/“BioNTech” preparatı ilə yanvarın 4-də səhər saat 11 radələrində peyvəndlənən 93 yaşlı kişi bir neçə saat sonra özünü pis hiss edib. Yorulduğunu və fizioterapiyaya davam edə bilmədiyini deyib. Sonra ayaqları şişib və nəfəsi kəsilib.

Ölümlərdən əlavə olaraq, ABŞ-da peyvəndlə əlaqədar həyati təhlükəsi olan 96 fəsad aşkarlanıb. Daha 24 halda vətəndaşlar əmək qabiliyyətlərini itirdiklərini söyləyiblər. Bundan başqa, peyvəndləmədən sonra 225 xəstənin xəstəxanalara yerləşdirilməsinə zərurət yaranıb, 1,3 min nəfər təcili yardım məntəqələrinə müraciət edib.

Reyting.az




Bölməyə aid digər xəbərlər
{sape_links}{sape_article}