YAP növbədənkənar qurultayı ilə bağlı açıqlama yayıb - Yenilənib
Tarix: 05-03-2021 15:33 | Bölmə: Siyasət
YAP növbədənkənar qurultayı ilə bağlı açıqlama yayıb

Martın 5-də Yeni Azərbaycan Partiyasının (YAP) VII qurultayı keçirilib.

YAP-dan Reyting.az-a verilən məlumata görə, Azərbaycan Respublikasının Prezidenti, Yeni Azərbaycan Partiyasının Sədri İlham Əliyev və Birinci vitse-prezident, Yeni Azərbaycan Partiyasının Sədrinin müavini Mehriban Əliyeva Qurultayın işində iştirak ediblər.

Azərbaycan Respublikasının Prezidenti, Yeni Azərbaycan Partiyasının Sədri İlham Əliyev qurultayda videoformatda geniş məruzə ilə çıxış edib.

Sonra Yeni Azərbaycan Partiyasının ötən dövr ərzində gördüyü işlər, qazanılmış uğurlar və qarşıda duran vəzifələrlə bağlı qurultay nümayəndələrinin çıxışları dinlənilib.

Qurultayda yekun olaraq təşkilati məsələlər müzakirə edilib.

Qəbul edilmiş qərara əsasında Yeni Azərbaycan Partiyasının 40 nəfər tərkibdə İdarə Heyəti, 13 nəfərdən ibarət Təftiş Komissiyası və yeni qurum olaraq YAP-ın Veteranlar Şurasının 35 nəfərlik tərkibi təsdiqlənib.

Qurultayda həmçinin, Azərbaycan Xalq Demokratik Partiyasının, Azərbaycan Kəndli Partiyasının, Milli Qurtuluş Partiyasının, Azərbaycan Yurddaş Partiyasının, Azərbaycan Milli Hərəkat Partiyasının və Azərbaycan Demokratik Sahibkarlıq Partiyasının Yeni Azərbaycan Partiyasına birləşmək haqqında müraciətləri qəbul edilib.

Azərbaycan Respublikasının Prezidenti, Yeni Azərbaycan Partiyasının Sədri İlham Əliyev qurultayda videoformatda yekun nitqi ilə çıxış edib.

***

Bu gün hakim Yeni Azərbaycan Partiyasının (YAP) növbədənkənar VII qurultayı keçirilir.

Reyting.az
xəbər verir ki, qurultay koronavirus pandemiyası ilə bağlı məhdud sayda iştirakçılarla YAP-ın mərkəzi qərargahında saat 10:00-da başlayır.

Qurultayda ötən dövrün hesabatları dinləniləcək, YAP-ın rəhbər strukturlarında - İdarə Heyəti, Siyasi Şura və İcra katibliyində bəzi dəyişikliklər ediləcək.

Eyni zamanda korrupsiya və rüşvətə görə həbs edilən, nöqsanlara görə vəzifədən kənarlaşdırılan sabiq məmurların partiya sıralarından xaric olunacağı bildirilir.

Qeyd edək ki, YAP-ın Siyasi Şurası 84 nəfərdən ibarətdir. Siyasi Şura üzvlərinin 20-si həm də İdarə Heyətinin üzvləridir.

Xatırladaq ki, YAP-ın sonuncu – VI qurultayı 2018-ci il fevralın 8-də keçirilib və partiyanın hazırkı sədri Azərbaycan Respublikasının Prezidenti İlham Əliyevdir.

***

Reyting.az xəbər verir ki, Azərbaycan Prezidenti, Yeni Azərbaycan Partiyasının sədri İlham Əliyev qurultaya videokonfrans vasitəsilə qoşulub və çıxış edib.

***

Yeni Azərbaycan Partiyasının (YAP) VII qurultayı başa çatıb.

Reyting.az
-ın məlumatına görə, qurultayda YAP İdarə Heyəti formalaşıb.

İdarə Heyətinin tərkibi 20 nəfərdən 40 nəfərə çatdırılıb.




Bölməyə aid digər xəbərlər
bütün xəbərlər
{sape_links}{sape_article}