Azərbaycan və Türkiyəyə qarşı növbəti dəfə təxribat törədilib - Foto
Tarix: 15-04-2021 16:37 | Bölmə: Slayd
Azərbaycan və Türkiyəyə qarşı növbəti dəfə təxribat törədilib

Qarabağ Azadlıq Təşkilatının (QAT) sədri Akif Nağı Gürcüstanın Azərbaycandakı səfiri Zurab Pataradzeyə məktub ünvanlayıb. A. Nağı Z. Pataradzedən Gürcüstanın paytaxtı Tbilisi şəhərində ermənilərin törətdiyi təxribatla bağlı izahat verilməsini, Gürcüstan hökumətinin bu təxribatın qarşısının alınması üçün dərhal addımlar atmasını tələb edib.

Reyting.az
-ın məlumatına görə, QAT sədri səfirə məktubunda yazıb:

“Ermənistan mətbuatının yazdığına görə, aprelin 14-də Gürcüstanın paytaxtı Tbilisi şəhərində, “Azadlıq” meydanında “Gürcüstanın erməni icması” adlı təşkilat qondarma “erməni soyqırımı”na həsr olunmuş sərgi keçirib. Sərgidə “erməni soyqırımı”na, Bakı və Sumqayıtdakı “poqrom”lara, “Arsak” və Naxçıvanda “Azərbaycan vandalizminin qurban olmuş” erməni mədəniyyəti abidələrinə aid fotolar nümayiş etdirilib”.


A. Nağı - Z. Pataradze

A. Nağı Z. Pataradzedən xahiş edirik ki, ermənilərin Tiflisdə törətdiyi təxribata Gürcüstan hökuməti adından dərhal aydınlıq gətirəsin: “Hökumətiniz nə üçün erməni millətçiləri, ekstremistləri tərəfindən Azərbaycan və Türkiyəyə qarşı yalan və saxta təbliğatın aparılmasına, türklərə və azərbaycanlılara qarşı düşmənçiliyin və nifrətin təbliğ edilməsinə, milli münasibətlərin gərginləşdirilməsinə şərait yaradır?

Hesab edirik ki, dost və qonşu Gürcüstan hökuməti bu məsələdə diqqətli olmalı, erməni təxribatının qarşısını dərhal almalı, həmin sərginin təşkilatçılarını və bu sərginin keçirilməsinə icazə verənləri cəzalandırmalı, Gürcüstanın Azərbaycan və Türkiyə ilə münasibətlərinə xələl gətirə biləcək addımların atılmasına, təxribatçı hərəkətlərə imkan verməməlidir”.

A. Nağı qeyd edib ki, Gürcüstan hökumətinin bu məsələ ilə bağlı addımlarını izləyəcək və şəraitə uyğun münasibət bildirib, qərar verəcəklər.

Saxta tədbirlə bu link vasitəsi ilə tanış ola bilərsiniz: My Webpage

Reyting.az




Bölməyə aid digər xəbərlər
bütün xəbərlər
{sape_links}{sape_article}