11:29 / 07-12-2021
Azərbaycan nefti bahalaşır
Rusiya və Çin ABŞ-a qarşı hərbi ittifaq yaradır
Tarix: 25-11-2021 13:50 | Bölmə: Slayd
Rusiya və Çin ABŞ-a qarşı hərbi ittifaq yaradır

Rusiya və Çin ABŞ-dan artan təhdidlərə qarşı hərbi əlaqələrini genişləndirmək üçün yeni anlaşma imzalayıb. Rusiyanın Müdafiə naziri Sergey Şoyqu çinli həmkarı Vei Fenghe ilə görüşünün ardınca 2021-2025-ci lləri əhatə edəcək yeni razılaşma imzalandığını elan edib.

Reyting.az
xəbər verir ki, S. Şoyqu və V. Fenghe nüvə bombardmançı təyyarə və hərbi gəmilərin iştirak etdiyi Cənubi Çin dənizi və Yapon dənizində gerçəkləşən sonuncu birgə təlimləri məmnuniyyətlə qarşıladıqlarını və gələcəkdə daha çox təlim keçirmək fikrində olduqlarını bildiriblər.

İki dövlətin güc nümayişinin ABŞ-ın nüvə bombardmançı təyyarələrinin təlimlərinə qarşı bir addım olduğunu qeyd edən Şoyqu ötən ay ABŞ təyyarələrinin bu səpkili 30 xidmət uçuşu həyata keçirdiyini və Vaşinqtonun hərbi fəaliyyətində əhəmiyyətli fəallıq olduğunu diqqətə çatdırıb.

“Bu fəallıq ötən ilin eyni dövrü ilə müqayisədə 2,5 dəfə artıb”,- deyərək ABŞ-ı tənqid edən Şoyqu bu ayın əvvəllərindən Rusiyaya qarşı keçiriləcək ABŞ nüvə hücumu simulyasiyasının oynanılmasından da şikayətlənib.



Şoyqu bu açıqlamaları verərkən Rusiya son dövrlər birliklərini topladığı Qara dəniz-Ukrayna yaxınlığında hava təlimləri keçirdiyini elan edib. Təlimlərin Vaşinqton tərəfindən “Moskva Ukraynanı işğal etməyə hazırlaşır”,- iddiası ilə eyni dövrə təsadüf etməsi narahatlıqları artırır.

Rusiya KİV-ləri təlimlərdə 10 qırıcı və sayı bilinməyən hərbi gəmilərin iştirak etdiyini açıqlayıb. Eyni zamanda Ukrayna Rusiya sərhədi boyunca təlimlər keçirdiyini elan edib. Rəsmi Kiyev Belarusla sərhəddə xüsusi təyinatlılar və milli mühafizə, polis və Silahlı Qüvvələrin digər təmsilçilərinin iştirak etdiyini açıqlayıb.

Çinlə yeni paktı açıqlayan Şoyqu noyabrda keçirilən “Qlobal Thunder” təlimlərinə diqqət çəkərək bildirib ki, 10 ABŞ nüvə bombardmançı təyyarəsi Rusiyaya şərqdən və qərbdən eyni anda yaxınlaşaraq sərhədə 20 kilometrə qədər gəlib.

“Belə bir ortamda Rusiya-Çin koordinasiyası qlobal əlaqələrdə istiqlalı təmin edəcək faktor halına gəlib”,- Şoyqu bildirib.

ABŞ tərəfi isə bəyan edib ki, Luziana və Şimali Dakotadakı hava bazalarından qalxan “11B-52” bombardmançı təyyarələrinin nüvə hazırlığını test edib. Təlimlərə, həmçinin yerləşdirmə zamanı nüvə sualtı qayıqlarının tədarükü də daxildir. Pentaqon “B-52” bombardmançılarının harada uçduğunu və ya başqa ölkənin hava məkanına nə qədər yaxın olduqlarını açıqlamayıb.

Şoyqu isə bəyan edib ki, ABŞ-ın Oxot dənizi üzərindəki bombardman təlimləri Rusiyaya qanadlı raketlər atmaq üçün nəzərdə tutulub.



Bu arada Ukrayna və NATO ölkələri Rusiya hərbçilərinin Ukrayna sərhədlərinə yaxın yerdəyişmələri ilə bağlı narahatlıqlarını ifadə ediblər.

Rusiya isə Ukrayna və ABŞ-ı regionda gərginliyi artırmaqda ittiham edir.

Ukrayna Müdafiə Nazirliyinin kəşfiyyat idarəsi də narahatlığını bildirib. Qeyd olunur ki, Ukraynanın şərqində Rusiyanın nəzarətində olan qüvvələr döyüş hazırlığını artırıb və genişmiqyaslı təlimlər keçirib.

Ukraynanın Xarici işlər naziri Dmitro Kuleba bazar ertəsi Rusiyanı dezinformasiya yaymaqda, o cümlədən Kiyev hökumətinin Donbasın şərqinə hücum planlaşdırdığına dair əsassız məlumatlar paylaşmaqda ittiham edib.

“Biz Rusiyanın dezinformasiyasının, o cümlədən Ukraynanın Donbasda hərbi hücum planlaşdırdığına dair yalan ittihamlarının artdığını müşahidə edirik. Rəsmi olaraq bəyan edirəm ki, Ukrayna Donbasda hərbi hücum planlaşdırmır”,- Kuleba qeyd edib.




Bölməyə aid digər xəbərlər
bütün xəbərlər
{sape_links}{sape_article}