12:10 / 25-06-2022
Sabah yağışlı hava olacaq
Sabiq baş nazir: “Məni Kremldə çox alçaq bir stulda əyləşdirdilər və Putin məni hədələdi”
Tarix: 20-06-2022 12:19 | Bölmə: Slayd
Sabiq baş nazir: “Məni Kremldə çox alçaq bir stulda əyləşdirdilər və Putin məni hədələdi”

Böyük Britaniyanın keçmiş baş naziri Qordon Braun 2006-cı ildə Moskvada Rusiya prezidenti Putinlə görüşündən danışıb. O, Rusiya lideri tərəfindən hədələndiyini bildirib.

Reyting.az
xəbər verir ki, Qordon Braun Qərbi Putinə qarşı dura bilməməkdə də ittiham edib.

2007-2010-cu illər arasında İngiltərənin baş naziri vəzifəsini icra edən Braun, Ukraynanın işğalı səbəbi ilə 150 ölkənin Rusiyaya qarşı sanksiya tətbiq etmədiyinə diqqət çəkib və “qlobal parçalanmaya səbəb olan” ölkələri anti-Rusiya ittifaqında iştirak etmədiyi üçün tənqid hədəfinə çevirib.

Keçmiş baş nazir Britaniyanın “The Telegraph” qəzetinə müsahibəsində deyib:

“Mən Putinin necə biri olduğuna dair heç bir illüziyaya qapılmadım”.

Braun 2006-cı ildə Toni Bleyer hökumətində maliyyə naziri olarkən Rusiyaya səfərini də xatırladıb. Braun deyib: “Kremldə çox alçaq bir stulda oturduldum və bu şəkildə Putinə baxdım. Şübhəsiz ki, Putin balaca oğlandır və buna görə də belə şeylər edir. Hətta bəzən onun üçün hazırlanan nəyinsə üzərinə çıxaraq danışır”.

Braun əlavə edib ki, həmin gün Putin cibindən bir dəst kart çıxarıb hər şeyi təfərrüatı ilə oxumağa başlayıb: “Sanki mənim haqqımda bildiyimdən daha çox bildiyini sübut etmək istəyirdi. İndi insanlar deyirlər ki, Putin dəyişib və hədə-qorxu ilə danışmağa üstünlük verir. Amma Putin məni hələ o vaxt hədələdi”.

Braun deyib ki, Putin sadəcə, “güzəştsiz və inadkar bir güc nümayişi” göstərir, başa düşdüyü tək şey gücdür: “Putin son dərəcədə fürsətçil biridir”.

Keçmiş baş nazir iddia edir ki, 2014-cü ildə David Cameron Britaniyanın baş naziri olarkən Rusiyanın Krımı ilhaq etməsinə qarşı Qərbin hərəkətsizliyi Putini növbəti hücumlara həvəsləndirib.

Braun eyni zamanda Ukraynaya müdaxilədən sonra Rusiyaya qarşı sanksiya tətbiq etməyən 150 ölkəni tənqid edib.




Bölməyə aid digər xəbərlər
{sape_links}{sape_article}