123 ölkənin qapısı Putin üçün bağlanıb
Tarix: 22-03-2023 19:16 | Bölmə: Slayd
123 ölkənin qapısı Putin üçün bağlanıb

Haaqa Beynəlxalq Cinayət Məhkəməsinin qərarı ilə Rusiya prezidenti Vladimir Putinin həbsi mümkün sayılır. Amma o da aydındır ki, yanında nüvə çantası daşıyan Putinin həbs edilməsi asan məsələ deyil. Eyni zamanda Putin yalnız başqa ölkələrdə saxlanıla bilər. Bu isə o deməkdir ki, əksər ölkələrin qapısı Putinin üzünə bağlanacaq. Bəs bu ölkələr hansılardır?

Reyting.az
xəbər verir ki, bunlar əsasən Roma Əsasnaməsini ratifikasiya etmiş 123 ölkə və məhkəmənin yurisdiksiyasını tanıyanlardır. Bura bütün Avropa ölkələri, bütövlükdə Cənubi Amerika (o cümlədən Rusiyanın Venesuela kimi müttəfiqləri), hətta Putinin 2022-ci ilin iyununda səfər etdiyi Tacikistan da daxildir.

Həmçinin Rusiya Federasiyasının Prezidenti üçün Braziliya və Cənubi Afrika (Moskvanın BRICS tərəfdaşları), həmçinin Əfqanıstan, Mərkəzi Afrika Respublikası, Nigeriyanın qapıları da bağlıdır. "Putin bu ölkələrdən birinə səfər edərsə, yerli hakimiyyət orqanları onu həbs etməli olacaqlar”, - deyə Beynəlxalq Cinayət Məhkəməsində təcrübə keçməsinə icazə verilən vəkil Sergey Qolubok bildirib.

Bundan əlavə, Roma Statutunu ratifikasiya etməyən digər ölkələr də Putini mühakimə edə bilərlər.

E. KAMAL
Reyting.az




Bölməyə aid digər xəbərlər
{sape_links}{sape_article}