17:38 / 28-03-2024
Əməkdar artist vəfat edib
Qəzaya uğrayan təyyarədəki 4 uşaq iki həftə sonra meşədə sağ tapılıb - Fotolar
Tarix: 18-05-2023 13:31 | Bölmə: Slayd
Qəzaya uğrayan təyyarədəki 4 uşaq iki həftə sonra meşədə sağ tapılıb

Kolumbiyada Amazon tropik meşələrində kiçik təyyarə qəzasında sağ qalan 4 uşaq iki həftəlik axtarışlardan sonra sağ tapılıblar. Uşaqların ən böyüyünün 13 yaşı, ən kiçiyinin isə 11 aylıq olduğu bildirilir.

Reyting.az
xəbər verir ki, Kolumbiya prezidenti Qustavo Petronun rəsmi “Twitter” hesabından bu gün paylaşdığı xəbər çoxlarının təəccübünə səbəb olub. Çünki 4 uşaq, o cümlədən 11 aylıq körpə təyyarənin qəzaya uğramasından iki həftə sonra Kolumbiya cəngəlliyində sağ tapılıblar.

Prezident Petro 13 yaşlı Lesli Bonbaire, 9 yaşlı Soleiny Ranoque, 4 yaşlı Tien Ronoque və 11 aylıq körpə Kristian Ranoque-nun qəzadan necə sağ çıxması və ya iki həftə sağ qalmaları ilə bağlı təfərrüatları açıqlamayıb.

Lakin rəsmilər hesab edir ki, uşaqlar təyyarədən qaçdıqdan sonra kömək axtarmaq üçün meşəyə doğru irəliləyiblər.

Yerli mətbuatın məlumatına görə, bacıların ən böyüyü 13 yaşlı Lesli bacılarını sağ saxlamaq üçün meşədə müvəqqəti sığınacaq qurub.

Xilasedicilər uşaqları tapdıqları ərazidə bitki örtüyündən hazırlanmış müvəqqəti sığınacağın olduğunu da təsdiqləyiblər. Müvəqqəti sığınacaq ərazisindəki tullantılar uşaqların günlərlə meyvə yeyərək sağ qaldıqlarını üzə çıxarıb.

Bildirilir ki, mayın 1-də 7 sərnişini ilə Kolumbiyanın meşəlik ərazisinə düşən “Cessna 206” model təyyarədə olan pilot və iki böyük şəxsin cəsədləri tapılıb.

Yanğınsöndürmə və mülki aviasiya idarəsi səlahiyyətliləri tərəfindən həyata keçirilən gərgin axtarış işləri çərçivəsində birinci dərəcəli xəbərdarlıq edilən hava qüvvələrinin təyyarələri yuxarıdan meşəni, Kolumbiya əsgərləri isə sahəni axtarıblar.

Uşaqların dəhşətli təyyarə qəzasından sağ çıxması və iki həftə meşədə sağ qalmaq üçün mübarizə aparmaları bu gün dünya mətbuatının ən diqqət çəkən mövzularından birinə çevrilib.







E. KAMAL
Reyting.az




Bölməyə aid digər xəbərlər
{sape_links}{sape_article}