10:12 / 08-05-2025
Azərbaycan nefti ucuzlaşıb
“ABŞ Rusiyadan Çinə qarşı da istifadə edəcək” - Professor
Tarix: 08-05-2025 09:30 | Bölmə: Slayd
“ABŞ Rusiyadan Çinə qarşı da istifadə edəcək”

“Ukraynada müharibənin davam etməsi ABŞ-nın maraqlarına uyğundur. ABŞ bu müharibədən istifadə edərək Ukrayna ilə onun yeraltı sərvətlərinə dair müqavilə imzaladı. ABŞ Ukrayna müharibəsinə cəmi 67 milyard dollar xərcləsə də, bağlanan müqavilə sayəsində ən azı 350 milyard dollar qazanmaq niyyətindədir”.

Bunu “Reytinq” qəzetinə açıqlamasında professor Cümşüd Nuriyev deyib.

Professor qeyd edib ki, Ukraynanın yeraltı sərvətləri ümumilikdə 15 trliyondur. Bunun 5 trliyonu Rusiyanın işğalı altında olan ərazilərdə, yerdə qalan 10 trliyonu isə özünün nəzarət etdiyi torpaqlarda yatır.

C. Nuriyevin iddiasına görə, Ukraynada baş verənlər Co Bayden hakimiyyəti vaxtından aparılan siyasətdir və bu ölkə səssiz şəkildə işğal edilib.

Müsahibimiz xatırladıb ki, Ukrayna taxıl, qarğıdalı və paxlalı bitkilər istehsalına görə dünyada beş ölkədən biridir: “Bu səbəbdən ABŞ Ukraynanın münbit qara torpaqlarını ələ keçirmək istəyir. Rusiya-Ukrayna müharibəsində ABŞ-nın öz maraqları var və baş verənlər də bunu təsdiqləyir”.

Professor əlavə edib ki, ABŞ Rusiyadan Çinə qarşı da istifadə edəcək: “ABŞ həm də Rusiyanın Ukraynada yaratdığı presidentdən istifadə edir. Tramp bildirir ki, Kanada ABŞ-nın 51-ci ştatı olsun, Qrenlandiya, Meksika körfəzi ona verilsin. İndi Tramp siyasi-iqtisadiyyatla məşğuldur və Amerikanı bu yolla ən güclü etmək istəyir. Yəni Ukraynanın hesabına”.

C. Nuriyev sonda əlavə edib ki, iqtisadi resurslarına görə dünyanın on ölkəsindən biri olan Ukrayna indi çox ağır vəziyyətdədir. “Həm də nəzərə almaq lazımdır ki, Ukrayna böyük dövlətdir və özü ilə bərabər Rusiyanı da uçuruma aparacaq. Bu da ABŞ-nın maraqlarına tam cavab verir. Həm Rusiyanı Çindən ayırır, həm Ukrayna vasitəsilə onu zəiflədir, həm də istədiklərini əldə edir”, - deyə professor yekunlaşdırıb.

Y. QACAR
Reyting.az





Bölməyə aid digər xəbərlər