Tramp Ərdoğanı Rusiya ilə Ukrayna arasında vasitəçilik etməyə çağırır
Tarix: 08-05-2025 16:51 | Bölmə: Slayd
Tramp Ərdoğanı Rusiya ilə Ukrayna arasında vasitəçilik etməyə çağırır

ABŞ prezidenti Donald Tramp Türkiyə lideri Rəcəb Tayyib Ərdoğanın Ukrayna ilə Rusiya Federasiyası arasında aparılan danışıqlarda vasitəçi kimi çıxış etməsini istəyir.

Reyting.az
xəbər verir ki, bu barədə Türkiyənin “Hürriyet” qəzeti yazıb.

Məlumata görə, telefon danışığı zamanı siyasətçilər bir-birlərini ölkələrinin paytaxtlarına dəvət ediblər.

Qəzet yazır ki, Tramp prezident Ərdoğandan Rusiya-Ukrayna müharibəsinə son qoymaq üçün vasitəçilik etməsini istəyib. “Ərdoğan həm Putin, həm də Zelenski ilə görüşə bilən liderdir. O, vasitəçilik təklifinə müsbət yanaşır”, - deyə nəşr əlavə edib.

Xatırladaq ki, Türkiyə prezidenti Rəcəb Tayyib Ərdoğan dəfələrlə Ukrayna ilə Rusiya Federasiyası arasında sülh danışıqlarında vasitəçi olmaq təşəbbüsü ilə çıxış edib. Ankara tərəfsiz mövqeyini və sülh istəyini təkrarlayaraq danışıqların bərpasını təklif edib.

E. KAMAL




Bölməyə aid digər xəbərlər