Britaniya Rusiya ilə müharibəyə hazırlaşır - Foto
Tarix: 06-05-2025 17:35 | Bölmə: Slayd
Britaniya Rusiya ilə müharibəyə hazırlaşır

Böyük Britaniya Rusiyanın birbaşa hərbi hücumuna qarşı hazırlıqlara başlayıb.

Reyting.az
Britaniya mətbuatına istinadla xəbər verir ki, Kremlin hücum hədəsindən sonra rəsmi London hökumətə 20 illik fövqəladə hallar planlarını yeniləməyi tapşırıb və belə bir hazırlıq olmadığı üçün narahatlıq ifadə edilib.

Məlumata görə, hökumətin müharibə elanına necə reaksiya verəcəyi gizli dosye ilə izah ediləcək. Plana Nazirlər Kabinetini və kral ailəsini qorumaq üçün sığınacaqlar, ictimai yayımlar və resursların yığılması da daxildir.

Nazirlər hesab edirlər ki, Britaniya təkcə Rusiya və onun müttəfiqlərinə qarşı döyüş meydanında zəif təchiz olunmayıb, həm də daxili təhlükəsizlik baxımından hazırlıqsız və həssasdır.

Qeyd edək ki, Kreml rəsmiləri Böyük Britaniyanı Ukraynaya verdiyi dəstəyə görə birbaşa hücumla hədələməkdə davam edir. Yanvar ayında açıqlanan risk qiymətləndirməsi göstərir ki, uğurlu hücum “mülki əhalinin və fövqəladə hallar xidməti əməkdaşlarının itkisi ilə nəticələnə”, ciddi iqtisadi ziyana səbəb ola və əsas xidmətlərin fəaliyyətini dayandıra bilər.



Müdafiə rəsmiləri Britaniyanı raket hücumlarından qorunmaq üçün İsrailin “Dəmir Qübbə”sinə bənzər bir sistem hazırlamağa çağırıblar. Britaniya hakimiyyəti qaz terminalları və ölkədə fəaliyyət göstərən beş atom elektrik stansiyasından xüsusilə narahatdır. İddiaya görə, bu obyektlər vurularsa, radioaktiv material bütün ölkəyə yayıla və “əhəmiyyətli, uzunmüddətli təhlükəsizlik, sağlamlığa, ətraf mühitə və iqtisadi təsirlərə” səbəb ola bilər.

Hökumət həmçinin nüvə raket hücumunun mümkünlüyü və təsirləri ilə bağlı modelləşdirmə aparıb, lakin bu qiymətləndirmənin rəsmi nəticələri gizli saxlanılır.

“The Telegraph” yazır ki, gizli “Vətən müdafiə planı”nın yenilənməsi düşmən xarici dövlətin Böyük Britaniya materikinə hücumundan sonra dərhal izləniləcək və strategiyanı müəyyən edəcək. Plan Böyük Britaniyanın adi raketlər, nüvə başlıqları və ya kiber əməliyyatlarla vurulduğu ssenariləri əhatə edəcək.

E. KAMAL




Bölməyə aid digər xəbərlər