ABŞ Prezidenti Donald Tramp Ukraynada davam edən münaqişə ilə əlaqədar Rusiyaya qarşı sanksiyaları daha bir il müddətinə uzadıb.

Reyting.az xarici KİV-lərə istinadla xəbər verir ki, bu, ABŞ Federal Reyestrində dərc olunmuş və cümə günü rəsmi olaraq açıqlanacaq icra sərəncamının mətnindən irəli gəlir.

Sərəncamda deyilir: "Mən (Ukraynadakı fövqəladə vəziyyətlə əlaqədar olaraq) milli fövqəladə vəziyyəti bir il müddətinə uzadıram".

Sərəncamda həmçinin bildirilir ki, Ukraynadakı münaqişə ilə əlaqədar davam edən fövqəladə vəziyyət səbəbindən Rusiyaya qarşı sanksiyalar qüvvədə qalacaq.

Sənəddə vurğulanır ki, Vaşinqton Ukraynadakı münaqişəni ABŞ-nın milli təhlükəsizliyi və xarici siyasəti üçün "qeyri-adi və fövqəladə təhlükə" kimi görməyə davam edir.

E. KAMAL