18:00 / 30-09-2023
Borrell Odessaya gəlib
Dünyanın ən güclü mafiyasına qarşı daha bir əməliyyat keçirilib
Tarix: 16-09-2023 17:37 | Bölmə: Cəmiyyət
Dünyanın ən güclü mafiyasına qarşı daha bir əməliyyat keçirilib

Meksikalı narkobaron Xoakin Quzmanın oğullarından biri, “El Çapo” ləqəbli Ovidio Quzman Lopezin ABŞ-a təhvil verildiyi bildirilir.

Reyting.az
-ın məlumatına görə, baş prokuror Merrik Qarland açıqlamasında Quzmanın ekstradisiyası prosesində göstərdiyi dəstək üçün Meksikaya təşəkkür edib.

“Bu fəaliyyət Ədliyyə Nazirliyinin Sinaloa mafiyasına qarşı bütün əməliyyatlarının son mərhələsidir. Biz cəmiyyətə zərər verənlərin ədalət qarşısında cavab vermələri üçün səylərimizi davam etdirəcəyik”,- o deyib.

Bildirilir ki, ABŞ-da fentanilin yayılmasına və istifadəsinə görə ən çox məsuliyyəti dünyanın ən güclü mafiyalarından olan Sinaloa daşıyır.

Xatırladaq ki, ABŞ 2021-ci ilin dekabrından Quzmanın tutulmasına 5 milyon dollar mükafat ayırıb və bu məsələdə Meksikaya təzyiq edib. ABŞ-da ən çox axtarışda olan narkotik tacirlərindən olan Sinaloa bandasının aparıcı liderlərindən biri, 28 yaşlı Ovidio Quzman yanvarın 5-də Meksikanın şimalındakı Kuliakan şəhərində keçirilən əməliyyatla saxlanılıb. Əsas yolları barrikadalarla bağlayan və maşınları yandıran Sinaloa mafiyasının üzvlərinin təhlükəsizlik qüvvələri ilə toqquşması 10 əsgərin ölümünə, 35 əsgərin yaralanmasına səbəb olub. Ordunun əməliyyatları zamanı 19 dəstə üzvü öldürülüb, 21 nəfər saxlanılıb. Culiacan Beynəlxalq Hava Limanı yaxınlığında silahlı qüvvələrlə toqquşan dəstə üzvlərinin silahlarından atılan iki güllə ticarət təyyarəsinə dəyib, sərnişinlərin böyük qorxusuna səbəb olub.

“El Çapo” ləqəbli Xoakin Quzman iyul ayında ABŞ-ın Nyu-York ştatında aparılan iş üzrə ömürlük həbs cəzasına məhkum edilib. 2001 və 2015-ci illərdə Meksikada iki yüksək rejimli həbsxanadan qaçan Xoakin Quzman sonuncu dəfə 2016-cı ilin yanvarında tutularaq ABŞ-a ekstradisiya edilib.

V. QULİYEV




Bölməyə aid digər xəbərlər
{sape_links}{sape_article}