Koronavirusun yeni variantına yoluxanların sayı artır
Tarix: 22-09-2023 21:13 | Bölmə: Cəmiyyət
Koronavirusun yeni variantına yoluxanların sayı artır

Böyük Britaniyada koronavirusun yeni variantı - BA.2.86-ya 50-dən çox yoluxma halı müəyyən edilib. Reyting.az xəbər verir ki, bu barədə Britaniya Səhiyyə Xidmətləri Agentliyi məlumat yayıb.

18 sentyabr tarixinə olan məlumatlara əsasən, Böyük Britaniyada 54 hadisə təsdiqlənib. 48-i İngiltərədə, 6-sı Şotlandiyada qeydə alınıb. Uels və Şimali İrlandiyada belə bir hadisə aşkar edilməyib.

İngiltərədəki bütün hallardan 30-u epidemiyanın baş verdiyi bir qocalar evindəndir.

Bildirilir ki, COVID-19-un yeni variantının yayılması səbəbindən ölüm halı qeydə alınmayıb.

Hesabatda qeyd olunur ki, ümumilikdə 15 ölkədə koronavirusun yeni variantına yoluxma halı aşkarlanıb.

Onu da qeyd edək ki, Britaniya Səhiyyə Agentliyi bu ilin avqust ayında çoxlu sayda mutasiyaya malik yeni koronavirus variantı olan BA.2.86-nın ilk halı barədə məlumat verib.

ELÇİN




Bölməyə aid digər xəbərlər
16-07-2024, 12:30 Sabah yağış yağacaq

{sape_links}{sape_article}